Tuńǵysh prezident Nursultan Nazarbaevtyń nemeresi, Timýr men Dinara Qulybaevtardyń uly Altai Asqar Kipr azamattyǵyn alǵan bolyp shyqty, dep habarlaidy Dalanews.kz.
Bir milliard teńgege alynǵan azamattyq
"Vyhod k moriý" telegram arnasynyń málimetinshe, jergilikti basylymdar Altai Asqar 2019 jyly, iaǵni Kiprdiń investitsiialyq azamattyq berý baǵdarlamasy jabylardan birneshe ai buryn ótinish berip, oń jaýap alǵanyn habarlaǵan. Baǵdarlama aiasynda azamattyq alý quny 2,5 million eýro, iaǵni sol kezdegi baǵammen shamamen 1,07 milliard teńge bolǵan.
Kiprdiń memlekettik gazetinde Kulybaevtyń ótinish bergeni týraly aqparat jariialanǵan. Nátijeler resmi túrde kórsetilmese de, sol kezeńde Kipr biligi aýqatty adamdardyń barlyq ótinishin qanaǵattandyryp otyrǵan.
Keiin Kipr tólqujatyn tipti óz elderinde qylmystyq izdeýde júrgen sheteldikter de alǵany belgili boldy. Bul jaǵdai Eýroodaq biliginiń narazylyǵyn týdyryp, 2020 jyly Al Jazeera arnasy jariialaǵan tergeýden keiin Kipr «altyn pasporttar» baǵdarlamasyn toqtatty.
Baǵdarlamany jalpy 7 myńǵa jýyq adam – investorlar men olardyń týystary paidalanyp úlgergen.
«Altyn pasporttardan» aiyrylǵandar tiziminde kimder bar?
Qazir Kipr biligi kerisinshe, azamattyq alǵan adamdardy tekserip, kúmándi jaǵdailarda olardyń pasporttaryn qaitaryp alyp jatyr. Bul tizimde 150-ge jýyq adam bar.
Olardyń qatarynda burynǵy Kazakhstan Kagazy kompaniiasynyń bas direktory Maqsat Árip te bar. Ol 2024 jyldyń naýryzynda Qazaqstan IIM Interpol ulttyq biýrosynyń suraýymen BAÁ-de ustalǵan.
Sondai-aq azamattyǵynan aiyrylǵandar arasynda Resei men Ýkrainadaǵy belgili kásipkerler bar:
Oleg Deripaska, Aleksei Kýzmichev, Mihail Gýtseriev, Vadim Moshkovich, Gúlbahor Ismailova, Igor Kolomoiskii.
Shveitsariiadaǵy rezidentsiia jáne tergeý
Altai Asqardyń Kipr men Qazaqstan azamattyǵynan bólek Shveitsariia rezidenttik kartasy da bar.
Ol Shveitsariiany negizgi turǵylyqty jeri retinde kórsetip, ákesiniń seriktesi Baharidin Ablazimovpen birge amerikalyq ORBI startapyna investitsiia jasaǵan.
Qulybaevtar Shveitsariiada áigili Bellerive saraiynyń ieleri sanalady. 2025 jyldyń aqpanynda Jeneva prokýratýrasy osy jyljymaityn múlikti satyp alýǵa bailanysty qarjynyń zańdylyǵyn tekserý isin bastaǵan.
Buǵan deiin Vo kantonynyń soty Qulybaevtarǵa Fleur du Lac qonaqúiin qaita qurýǵa berilgen ruqsatty kúshin joiyp, ǵimaratty buzýǵa nemese qaita salýǵa tyiym salǵan bolatyn.
Máskeý men Dýbaidaǵy jyljymaityn múlik
Resei astanasynda Altai Asqardyń atyna «Moskva-Siti» keshenindegi «Merkýrii» munarasynan páter tirkelgen.
Páterdiń aýdany - 114,5 m², ol 47-qabatta ornalasqan jáne terezesinen Máskeý ózeni men «Qyzyl Presnia» saiabaǵyna kórinis ashylady. Mundai jyljymaityn múlik qazir shamamen 60 million rýblge, iaǵni 400 million teńgege baǵalanady.
Al Dýbaida Altaidyń atyna áldeqaida qymbat apartamentter tirkelgen. Olar Palm Jumeirah aralyndaǵy Marina Residences turǵyn kesheninde ornalasqan.
Páterdiń aýdany 633 m², al quny shamamen 2 milliard teńge dep baǵalanady.
