Qazir Reseidiń joǵary oqý oryndarynda 60 myńnan astam qazaqstandyq stýdent bilim alyp júr. Bul týraly Qazaqstannyń Reseidegi elshisi Dáýren Abaev Ekaterinbýrg qalasynda uiymdastyrylǵan Halyqaralyq jastar festivalinde málimdedi, dep habarlaidy dalanews.kz sputnik.kz-ke silteme jasap.
Diplomattyń aitýynsha, stýdentterdiń kópshiligi Reseige arnaiy kvota negizinde emes, joǵary oqý oryndaryn óz erkimen tańdap túsken.
"Qazaqstandyq jastar orys tilin jaqsy meńgergendikten, tildik kedergige tap bolmaidy. Buǵan qosa, Reseidiń bilim berý júiesi de bizge tanys. Stýdentterimizdiń reseilik ýniversitetterge qyzyǵýshylyq tanytýy – jaqsy kórsetkish", – dedi elshi.
Dáýren Abaev Reseidegi joǵary bilim sapasyna da toqtaldy. Onyń sózinshe, bul qazaqstandyq talapkerlerdiń atalǵan eldegi ýniversitetterdi tańdaýyna áser etetin negizgi faktorlardyń biri.
Sonymen qatar elshi Ekaterinbýrgtegi festival jastardyń ózara tájiribe almasýyna, jańa bailanys ornatýyna jáne halyqaralyq yntymaqtastyqty damytýyna jol ashatyn mańyzdy alań ekenin atap ótti.
