Sanjar Boqaevtyń isi boiynsha alǵashqy sot otyrysynyń kúni belgili boldy, dep habarlaidy dalanews.kz.
Boqaevtyń advokaty Radmir Ótepov qorǵaýyndaǵy azamatqa qatysty sot protsesiniń qashan bastalatynyn habarlady.
Advokattyń aitýynsha, belsendiniń isi boiynsha alǵashqy sot otyrysy 28 qyrkúiekte saǵat 09:30-da ótedi. Sot otyrysy Almaty qalasynyń Almaly aýdandyq sotynda qaralady. Ázirge taraptar aldaǵy sot protsesine qatysty qosymsha málimet jariialaǵan joq. Is boiynsha sot talqylaýynyń nátijesi keiin belgili bolady.
Aita keteiik, Sanjar Boqaev 18 naýryz kúni ustalǵan bolatyn. Osylaisha ol tergeý izoliatorynda alty aiǵa jýyq ýaqyt otyr. Buǵan deiin Bas prokýratýra Boqaevtyń áleýmettik jaǵdaiy tómen azamattarǵa aqsha usynyp, aǵashtardy zańsyz kesýge jáne urlyq jasaýǵa tapsyrma bergen degen kúdikke ilingenin habarlaǵan.
Sonymen qatar oǵan asa iri kólemdegi qarajatty alaiaqtyq jolmen iemdený, jalǵan aqparat taratý jáne qoǵamda teris kózqaras qalyptastyrý maqsatynda beinematerialdar jariialaý baptary boiynsha aiyp taǵylǵan.
