Túrkistan oblysy, Túlkibas aýdanynda «Sastóbe» innovatsiialyq kesheni» JShS-niń iri zaýytynyń qurylysy bastaldy. Quny 180 mlrd teńgeni zaýytta kaýstikalyq soda, polivinilhlorid, tsement, ák jáne kaltsii karbidi óndiriledi. Túrkistan oblynyń ákimi zaýyttyń qurylys alańynda bolyp, investormen kezdesti. Bastamaǵa sáttilik tiledi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Búgin biz elimiz úshin asa mańyzdy óndiristik jobalardyń biri – «Sastóbe innovatsiialyq kesheniniń» birinshi kezeńiniń qondyrǵylardy ornatý jumystaryn bastaý sátiniń kýási bolyp otyrmyz. «Saýts-Oil» kompaniiasy qolǵa alyp otyrǵan bul keshen iske qosylǵanda Qazaqstandaǵy eń iri ák óndirýshi bolady. Atalǵan óndiris ishki naryqty sapaly ónimmen qamtamasyz etýge ǵana emes, eksporttyq áleýetimizdi de aitarlyqtai arttyrýǵa múmkindik beredi. Investorlarǵa alǵysymyzdy bildiremiz. Joba sátti júzege asyp, turǵyndar jumyspen qamtyla bersin, – dedi Nuralhan Kósherov.
Túlkibas aýdany aýmaǵyndaǵy «Sastóbe» innovatsiialyq kesheni» JShS jobasyna «2021-2025 jyldarǵa arnalǵan kásipkerlikti damytý jónindegi» ulttyq jobasy aiasynda qoldaý kórsetilip, jobalaý-smetalyq qujattamalary ázirlengen. Respýblikalyq biýdjetten infraqurylym júieleriniń qurylysyna qarjy bólindi. 2026 jyly iske qosylatyn zaýytta jylyna 400 myń tonna ák, 200 myń tonna kaltsii karbidin, 100 myń tonna kaýstikalyq soda, 120 myń tonna polivinilhlorid (PVH) jáne 1 mln tonna tsement óndirý josparlanýda. 1000-ǵa jýyq jumys orny ashylady.
Ónimderin elimizben qatar shetelge eksporttaý josparlanýda. Búginde respýblika aýmaǵy boiynsha bundai óndiris orny joq. Jobada ekologiialyq taza, zamanaýi óndiristik tehnologiialar qoldanylady. Qazirgi tańda shetelden 100% importtalyp otyrǵan PVH jáne kaltsii karbidi endi óz elimizde óndirilmek. Bul joba qurylys, himiia, metallýrgiia sekildi ónerkásiptiń kóptegen salalaryna serpin beredi dep kútilip otyr.
