Politsiia Qostanai oblysy ákimine qatysty video avtorlaryn izdep jatyr, - dep habarlaidy Dalanews.kz.
Qostanai oblysy ákiminiń baspasóz qyzmeti málimetinshe,messendjerlerde Qostanai oblysynyń ákimi beinelengen jalǵan video tarap ketken.
"Onda oblys ákimine qaýip tónip turǵany jóninde aitylǵan-mys. Bul video jasandy intellekt kómegimen jasalǵan", - dep jazylǵan habarlamada.
Jalǵan aqparat taratý deregi boiynsha Qostanai oblysy ákimdigi quqyq qorǵaý organdaryna resmi túrde ótinish joldaǵan.
"Ziiankester anyqtalyp, qoldanystaǵy zańnamaǵa sáikes jaýapkershilikke tartylady. Azamattarǵa jalǵan aqparat taratqany úshin zań aldynda jaýap beretinin eskertemiz jáne aqparatty tek resmi derekkózderden tekserýge shaqyramyz", - dep eskertti ákimdik ókilderi.
Aita keteiik, keiingi kezde áleýmettik jeliler men messendjerlerde laýazymdy tulǵalar atynan jalǵan aqparat taratý deregi jiilep ketti. Mundai habarlamalar qoǵamda dúrbeleń týdyryp, memlekettik organdardyń bedeline nuqsan keltirýi múmkin.
Quqyq qorǵaý organdary mundai áreketterdi anyqtap, ony taratýshylarǵa qatysty qylmystyq jaýapkershilik kózdeletinin eskertedi. Aqparattyń ras-ótirigin tek resmi derekkózder arqyly tekserý mańyzdy.
