پوليسيا قوستاناي وبلىسى اكىمىنە قاتىستى ۆيدەو اۆتورلارىن ىزدەپ جاتىر، - دەپ حابارلايدى Dalanews.kz.
قوستاناي وبلىسى اكىمىنىڭ باسپا ءسوز قىزمەتى مالىمەتىنشە،مەسسەندجەرلەردە قوستاناي وبلىسىنىڭ اكىمى بەينەلەنگەن جالعان ۆيدەو تاراپ كەتكەن.
"وندا وبلىس اكىمىنە ءقاۋىپ ءتونىپ تۇرعانى جونىندە ايتىلعان-مىس. بۇل ۆيدەو جاساندى ينتەللەكت كومەگىمەن جاسالعان"، - دەپ جازىلعان حابارلامادا.
جالعان اقپارات تاراتۋ دەرەگى بويىنشا قوستاناي وبلىسى اكىمدىگى قۇقىق قورعاۋ ورگاندارىنا رەسمي تۇردە ءوتىنىش جولداعان.
"زيانكەستەر انىقتالىپ، قولدانىستاعى زاڭناماعا سايكەس جاۋاپكەرشىلىككە تارتىلادى. ازاماتتارعا جالعان اقپارات تاراتقانى ءۇشىن زاڭ الدىندا جاۋاپ بەرەتىنىن ەسكەرتەمىز جانە اقپاراتتى تەك رەسمي دەرەككوزدەردەن تەكسەرۋگە شاقىرامىز"، - دەپ ەسكەرتتى اكىمدىك وكىلدەرى.
ايتا كەتەيىك، كەيىنگى كەزدە الەۋمەتتىك جەلىلەر مەن مەسسەندجەرلەردە لاۋازىمدى تۇلعالار اتىنان جالعان اقپارات تاراتۋ دەرەگى جيىلەپ كەتتى. مۇنداي حابارلامالار قوعامدا دۇربەلەڭ تۋدىرىپ، مەملەكەتتىك ورگانداردىڭ بەدەلىنە نۇقسان كەلتىرۋى مۇمكىن.
قۇقىق قورعاۋ ورگاندارى مۇنداي ارەكەتتەردى انىقتاپ، ونى تاراتۋشىلارعا قاتىستى قىلمىستىق جاۋاپكەرشىلىك كوزدەلەتىنىن ەسكەرتەدى. اقپاراتتىڭ راس-وتىرىگىن تەك رەسمي دەرەككوزدەر ارقىلى تەكسەرۋ ماڭىزدى.
