Osylaisha, aýdanda jalpy baý kólemi 2 myń gektarǵa jetkizilip, onyń ishinde qarqyndy baý 400 gektarǵa jýyqtady.
Búginde jergilikti biliktiń basty maqsaty – Túlkibas aýdanynda alma baý sharýashylyǵyn damytý. Osy maqsatta oblys ákimdigi men aýyl sharýashylyq basqarmasy jáne aýdan ákimdigi tarapynan úsh jaqty kelisim túzilip tiisti jumystar júrgizilýde.
Jasalǵan úsh jaqty kelisim boiynsha 2025 jylǵa deiin alma baý kólemin 3210 ga jetkizý kózdelse, qarqyndy baý kólemin 1170 ga jetkizý josparlanýda. Nátijesinde osy jyldar ishinde jemis - jidekterden jinalatyn ónim kólemi 80-90 myń tonnaǵa jetkizilmek. Bul mejege jetýge aýdannyń tolyq múmkindikteri bar.
Jalpy aýdanda baý sharýashylyǵymen ainalysatyn 5 seriktestik pen 22 sharýa qojalyq bolsa, olardyń ishinde «Kóktal» sharýa qojalyǵy men «Kentaý» JShS-i biyl Resei eline ekologiialyq taza 600 tonna Túlkibas almasyn eksporttaýdy josparlap otyr.
Atalǵan sharýashylyqtar baq ósirýde aldyńǵy qatarly elderdiń, onyń ishinde Túrkiia, Polsha memleketteriniń sońǵy úlgidegi ozyq tájiribelerin paidalanyp keledi. Bul baýlarda negizinen tamshylatyp sýǵarý tehnologiiasy qoldanylady. Barlyq qajetti baý-baqsha tehnikasy bolǵan jaǵdaida, sharýashylyq qyzmetkerleriniń eńbegi aitarlyqtai jeńildetiledi jáne agrotehnikalyq sharalardy júrgizýge yńǵaily bolady.
