– Qazir ǵana sottan shyqtyq. Bizdiń ótinishimiz tolyq qanaǵattandyryldy. Semei qalalyq sotynyń sheshimi buzyldy. Búgin úlgermeitin shyǵar. Erteń Saiat Ybyrai shyǵýy kerek, – dedi ol Azattyq tilshisine.
Advokatynyń aitýynsha, sot sheshimi búginnen bastap kúshine enedi. Buǵan deiin eldegi ǵalymdar, qoǵam qairatkerleri Saiat Ybyraidy bosatý jóninde Qazaqstan prezidentine birneshe márte hat jazǵan. Saiat Ybyrai 2011 jyly "qylmystyq top qurdy" degen aiyppen 12 jylǵa bas bostandyǵynan aiyrylǵan edi.
Ol 2011 jyly jeltoqsanda syrttai Álihan Bókeihan atyndaǵy syilyqqa ie bolǵan. 2013 jyly qazaqstandyq quqyq qorǵaýshylardan quralǵan sarapshylar toby Saiat Ybyraidy eldegi "ar-ujdan tutqyndary" qataryna kirgizgen.
Derekkózi: Azattyq portaly
