Depýtat Nurlan Áýesbaev múgedektigi bar jandarǵa beriletin eń tómengi járdemaqy mólsherin kóbeıtýdi usyndy, dep habarlaıdy Dalanews.kz.
Qazaqstanda múmkindigi shekteýli azamattardyń jalpy sany 725 myń adamǵa jetken. Al úshinshi toptaǵy múmkindigi shekteýli jandardyń járdemaqysy - 55 474 teńge.
"Jasyratyny joq, keıbir azamattarymyz osy múgedektik boıynsha beriletin járdemaqyny alyp, ólmestiń kúnin kórip keledi. Qazir ınflásıa 12,9% deńgeıine jetip, áleýmettik mańyzy bar ónimderdiń, dári-dármekterdiń baǵasy kúrt ósti. Sondyqtan múmkindigi shekteýli jandardyń járdemaqysyn kem degende eń tómengi jalaqy kólemine, ıaǵnı 85 000 teńgege deıin kóterý qajet dep esepteımiz", - dedi ol.
