Ózbekstan prezidenti Shavkat Mirziioev mahalla júiesin damytý jónindegi keńeste erli-zaiyptylardyń quqyqtaryn qorǵaý jáne ajyrasý kezinde týyndaityn materialdyq qiyndyqtardyń aldyn alý maqsatynda neke sharttaryn rásimdeýdi usyndy, dep habarlaidy Dalanews.kz.
Ajyrasýlar men aliment máselesi
Biyl jyl basynan beri elde shamamen 32 myń jup ajyrasqan. Olardyń ishinde 16 myńǵa jýyq adam aliment tóleýden jaltaryp, burynǵy jubailary men balalaryn qaryzǵa qaldyrǵan. Osyǵan bailanysty memleket basshysy mahalla belsendileri men úlkenderdi otbasylyq máselelerdi júieli túrde sheshýge shaqyrdy.
Týystyq jáne erte nekelerdiń qaýpi
Prezident sonymen qatar jaqyn týystar arasyndaǵy jáne erte nekelerdiń jaǵymsyz saldaryn atap ótti. Ol jastarǵa otbasy qurýdaǵy jaýapkershilikti túsindirýdiń mańyzdylyǵyn, bul jaýapkershilik tek ózine ǵana emes, jubaiyna jáne bolashaq balalaryna da qatysty ekenin erekshe atap ótti.
