Astanada jeńil relsti kólik (LRT) jelisiniń synaqtan ótkizý jumystary jalǵasyp jatyr. Bas qalaǵa taǵy eki jyljymaly quram jetkizildi, dep habarlaidy Dalanews.kz. CTS kompaniiasyna silteme jasap.
City Transportation Systems kompaniiasynyń málimetinshe, 17 jáne 18 qazan kúnderi jyljymaly quramdar estakada jolyna ornatylady.
17 qazanda alǵashqy quram №104 jáne №105 stantsiialary arasyndaǵy, Qabanbai batyr dańǵyly boiyndaǵy «Astana juldyzy» stellasy mańynda ornalasqan ýchaskege ornatylady;
18 qazanda ekinshi quram Sh.Qaldaiaqov kóshesi men Táýelsizdik dańǵyly qiylysyndaǵy, №113 (Ministrlikter úii, jáne №114 (Ulttyq mýzei) stantsiialary aralyǵyndaǵy bólikke qoiylady.
«18 qazan kúni saǵat 00:00- den bastap 19 qazan saǵat 06:00- ge deiin arnaiy tehnika kómegimen júrgiziletin kóterý jáne montaj jumystaryna bailanysty Sh.Qaldaiaqov kóshesi men Táýelsizdik dańǵyly qiylysynda avtokólik qozǵalysy ýaqytsha shekteledi.
Osyǵan bailanysty turǵyndar men jol qozǵalysyna qatysýshylardan ýaqytsha shekteýlerdi eskerip, óz baǵyttaryn aldyn ala josparlaýdy suraimyz»,- delingen habarlamada.
