استانادا جەڭىل رەلستى كولىك (LRT) جەلىسىنىڭ سىناقتان وتكىزۋ جۇمىستارى جالعاسىپ جاتىر. باس قالاعا تاعى ەكى جىلجىمالى قۇرام جەتكىزىلدى، دەپ حابارلايدى Dalanews.kz. CTS كومپانياسىنا سىلتەمە جاساپ.

City Transportation Systems كومپانياسىنىڭ مالىمەتىنشە، 17 جانە 18 قازان كۇندەرى جىلجىمالى قۇرامدار ەستاكادا جولىنا ورناتىلادى.

17 قازاندا العاشقى قۇرام №104 جانە №105 ستانسيالارى اراسىنداعى، قابانباي باتىر داڭعىلى بويىنداعى «استانا جۇلدىزى» ستەللاسى ماڭىندا ورنالاسقان ۋچاسكەگە ورناتىلادى؛

18 قازاندا ەكىنشى قۇرام ش.قالداياقوۆ كوشەسى مەن تاۋەلسىزدىك داڭعىلى قيىلىسىنداعى، №113 (مينيسترلىكتەر ءۇيى، جانە №114 (ۇلتتىق مۋزەي) ستانسيالارى ارالىعىنداعى بولىككە قويىلادى.

«18 قازان كۇنى ساعات 00:00- دەن باستاپ 19 قازان ساعات 06:00- گە دەيىن ارنايى تەحنيكا كومەگىمەن جۇرگىزىلەتىن كوتەرۋ جانە مونتاج جۇمىستارىنا بايلانىستى ش.قالداياقوۆ كوشەسى مەن تاۋەلسىزدىك داڭعىلى قيىلىسىندا اۆتوكولىك قوزعالىسى ۋاقىتشا شەكتەلەدى.

وسىعان بايلانىستى تۇرعىندار مەن جول قوزعالىسىنا قاتىسۋشىلاردان ۋاقىتشا شەكتەۋلەردى ەسكەرىپ، ءوز باعىتتارىن الدىن الا جوسپارلاۋدى سۇرايمىز»،- دەلىنگەن حابارلامادا.