Májilis depýtaty Kudaibergen Beksultanov elimizde prokatqa shyǵatyn filmderdiń mazmunyna nazar aýdarýǵa shaqyrdy, dep habarlaidy Dalanews.kz.
“AMANAT” partiiasy fraktsiiasynyń múshesi ishki ister jáne mádeniet ministrlikterin kinoindýstriia men áleýmettik jeliler arqyly nasihattalyp jatqan arsyzdyqtyń aldyn alýǵa úndedi.
Depýtattyń aitýynsha, qoǵamda zań men tártip týraly jii aitylǵanymen, mádeni jáne moraldyq qundylyqtardyń quldyraýy áli de jalǵasyp jatyr.
“Búginde beiádep sózder qoǵamdyq kólikte de, ǵimarattarda da, tipti memlekettik organdarda da estilip júr. Zań bar, biraq oǵan baǵynýǵa shaqyratyn úndeý az. Biz Prezidenttiń “zań men tártip” qaǵidatyn jii qaitalaimyz, biraq osy ustanymdy is júzinde qalai dáriptep júrmiz? Eger ózimiz túsirgen filmder arqyly turpaiylyq pen arsyzdyqty nasihattasaq, bul úlken qaýip”, – dedi Beksultanov
Sondai-aq depýtat mundai filmderdiń keibiri memlekettik qarjy esebinen túsirilip jatqanyn aityp, bul máseleni erekshe nazarǵa alýǵa shaqyrdy.
“Memlekettik biýdjetten bólingen qarajat — halyqtyń aqshasy. Ony qoǵamnyń moraldyq qaǵidalaryna qaishy keletin mazmundaǵy filmderge jumsaýǵa bolmaidy”, – dedi ol.
Óz kezeginde QR ishki ister ministri Erjan Sádenov bul baǵyttaǵy jumysty tek ministrlikter emes, tutas qoǵam birigip atqarýy qajet ekenin atap ótti.
“Bul tek IIM men Mádeniet jáne aqparat ministrliginiń jumysy emes. Mundai máselede búkil qoǵam atsalysýy kerek”, – dedi ministr.
