Inspektsiia basshysynyń aitýynsha, himiialyq kúres sharalary byltyrǵydan 1,3 esege azaiǵan. Onyń ishinde marokko shegirtkesine qarsy kúres sharalary 341 myń gektarda, aziialyq shegirtkege qarsy 4,3 myń gektarda, italiandyq prýs shegirtkesine qarsy 4,7 myń gektarda júrgiziledi.
– Biyl marokko shegirtkesine qarsy kúres sharalaryna 91 dana jerústi búrikkishteri jumyldyrylmaq. Olar 184,4 myń gektardy zalalsyzdandyratyn bolady. Sondai-aq, 6 dana AN-2 ushaqtarynyń kómegimen 137,6 myń gektarda himiialyq óńdeý jumystarynyń júrgizilýi josparlanýda. Oblystyq aýmaqtyq inspektsiia tarapynan óńdeý jumystarynyń sapaly júrgizilýin baqylaýǵa, uiymdastyrý jumystaryn júrgizýge aýdandar boiynsha 50 inspektor jáne 19 avtokólik bólinedi, – dedi Ońtústik Qazaqstan oblystyq aýmaqtyq inspektsiia basshysy Nurjan Kashkenov.
Aita keteiik, 350 myń gektarǵa himiialyq óńdeý jumystaryn júrgizý úshin 1121 myń gektar alqapta anyqtaý-zertteý jumystaryn júrgizý josparlanypty. Oǵan «Respýblikalyq fitosanitarlyq diagnostika jáne boljamdaý ádistemelik ortalyǵy» memlekettik mekemesiniń oblystyq filialy tarapynan shtat boiynsha 128 anyqtaýshy jáne 83 qyzmettik avtokólik bólingen. Buǵan qosymsha 3 aiǵa ýaqytsha jumysqa tartý arqyly 278 adam tartylyp, 406 anyqtaýshy zertteý jumystaryna jumyldyrylmaq.
Seminar barysynda oblys ákimi úiirli shegirtkege qarsy kúres sharalaryna daiyndyqpen tanysyp, aýdan ákimderine arnaiy shtab jumysyn jandandyrý qajettigin eskertti.
– Biylǵy jyly shegirtkege qarsy kúres jumystary barynsha tyńǵylyqty atqarylý kerek. Ol úshin ziiankesterdiń qanaty qatpai jatyp, kózin joimasa, boi bermei ketýi ábden múmkin. Sondyqtan arnaiy qurylǵan shtab jumysyn jandandyryp, aýdan, qala ákimderi tiisti mamandardy bólip, aaýmaqtyq inspektsiiamen qoian-qoltyq jumys isteýi tiis. Sonda ǵana egistik alqaptarymyzdy ziiankesterden saqtap qala alatyn bolamyz, – dedi Janseiit Qanseiituly.
Búginde aýdan, qalalarda 11 shtab qurylyp, 43 sý tasýshyǵysh tehnika men pestitsidterdi eritýge qajetti 91 sý kózderi jáne 12 pestitsidterdi ýaqytsha saqtaý qoimalary anytqalyp qoiǵan. Budan bólek, 15 aerodrom orny belgilenip, 37 myń 500 dana belgi –qazyqtar daiyndylypty.
Sondai-aq, aimaq basshysy kúrdeli jóndeý jumystarynan ótken «Aqylbeksai» sý qoimasynda boldy. Syiymdylyǵy 25 mln. tekshe metr bolatyn sý qoimasynyń qalpyna keltirý jumystary 2014 jyly bastalyp, jospar boiynsha biyl aiaqtalyp otyr. Qurylys jumystaryna 615 077,0 mln. teńge qarjy qaralǵan. Mamandar endi osynyń esebinen aýdandaǵy 1,5 myń gektar sýarmaly jerlerdi ainalymǵa engizýge múmkindik týatynyn jetkizdi.
OQO ákiminiń baspasóz qyzmeti
