ينسپەكسيا باسشىسىنىڭ ايتۋىنشا، حيميالىق كۇرەس شارالارى بىلتىرعىدان 1،3 ەسەگە ازايعان. ونىڭ ىشىندە ماروككو شەگىرتكەسىنە قارسى كۇرەس شارالارى 341 مىڭ گەكتاردا، ازيالىق شەگىرتكەگە قارسى 4،3 مىڭ گەكتاردا، يتالياندىق پرۋس شەگىرتكەسىنە قارسى 4،7 مىڭ گەكتاردا جۇرگىزىلەدى.
– بيىل ماروككو شەگىرتكەسىنە قارسى كۇرەس شارالارىنا 91 دانا جەرۇستى بۇرىككىشتەرى جۇمىلدىرىلماق. ولار 184،4 مىڭ گەكتاردى زالالسىزداندىراتىن بولادى. سونداي-اق، 6 دانا ان-2 ۇشاقتارىنىڭ كومەگىمەن 137،6 مىڭ گەكتاردا حيميالىق وڭدەۋ جۇمىستارىنىڭ جۇرگىزىلۋى جوسپارلانۋدا. وبلىستىق اۋماقتىق ينسپەكسيا تاراپىنان وڭدەۋ جۇمىستارىنىڭ ساپالى جۇرگىزىلۋىن باقىلاۋعا، ۇيىمداستىرۋ جۇمىستارىن جۇرگىزۋگە اۋداندار بويىنشا 50 ينسپەكتور جانە 19 اۆتوكولىك بولىنەدى، – دەدى وڭتۇستىك قازاقستان وبلىستىق اۋماقتىق ينسپەكسيا باسشىسى نۇرجان كاشكەنوۆ.
ايتا كەتەيىك، 350 مىڭ گەكتارعا حيميالىق وڭدەۋ جۇمىستارىن جۇرگىزۋ ءۇشىن 1121 مىڭ گەكتار القاپتا انىقتاۋ-زەرتتەۋ جۇمىستارىن جۇرگىزۋ جوسپارلانىپتى. وعان «رەسپۋبليكالىق فيتوسانيتارلىق دياگنوستيكا جانە بولجامداۋ ادىستەمەلىك ورتالىعى» مەملەكەتتىك مەكەمەسىنىڭ وبلىستىق فيليالى تاراپىنان شتات بويىنشا 128 انىقتاۋشى جانە 83 قىزمەتتىك اۆتوكولىك بولىنگەن. بۇعان قوسىمشا 3 ايعا ۋاقىتشا جۇمىسقا تارتۋ ارقىلى 278 ادام تارتىلىپ، 406 انىقتاۋشى زەرتتەۋ جۇمىستارىنا جۇمىلدىرىلماق.
سەمينار بارىسىندا وبلىس اكىمى ءۇيىرلى شەگىرتكەگە قارسى كۇرەس شارالارىنا دايىندىقپەن تانىسىپ، اۋدان اكىمدەرىنە ارنايى شتاب جۇمىسىن جانداندىرۋ قاجەتتىگىن ەسكەرتتى.
– بيىلعى جىلى شەگىرتكەگە قارسى كۇرەس جۇمىستارى بارىنشا تىڭعىلىقتى اتقارىلۋ كەرەك. ول ءۇشىن زيانكەستەردىڭ قاناتى قاتپاي جاتىپ، كوزىن جويماسا، بوي بەرمەي كەتۋى ابدەن مۇمكىن. سوندىقتان ارنايى قۇرىلعان شتاب جۇمىسىن جانداندىرىپ، اۋدان، قالا اكىمدەرى ءتيىستى مامانداردى ءبولىپ، ااۋماقتىق ينسپەكسيامەن قويان-قولتىق جۇمىس ىستەۋى ءتيىس. سوندا عانا ەگىستىك القاپتارىمىزدى زيانكەستەردەن ساقتاپ قالا الاتىن بولامىز، – دەدى جانسەيىت قانسەيىت ۇلى.
بۇگىندە اۋدان، قالالاردا 11 شتاب قۇرىلىپ، 43 سۋ تاسۋشىعىش تەحنيكا مەن پەستيسيدتەردى ەرىتۋگە قاجەتتى 91 سۋ كوزدەرى جانە 12 پەستيسيدتەردى ۋاقىتشا ساقتاۋ قويمالارى انىتقالىپ قويعان. بۇدان بولەك، 15 اەرودروم ورنى بەلگىلەنىپ، 37 مىڭ 500 دانا بەلگى –قازىقتار دايىندىلىپتى.
سونداي-اق، ايماق باسشىسى كۇردەلى جوندەۋ جۇمىستارىنان وتكەن «اقىلبەكساي» سۋ قويماسىندا بولدى. سىيىمدىلىعى 25 ملن. تەكشە مەتر بولاتىن سۋ قويماسىنىڭ قالپىنا كەلتىرۋ جۇمىستارى 2014 جىلى باستالىپ، جوسپار بويىنشا بيىل اياقتالىپ وتىر. قۇرىلىس جۇمىستارىنا 615 077،0 ملن. تەڭگە قارجى قارالعان. ماماندار ەندى وسىنىڭ ەسەبىنەن اۋدانداعى 1،5 مىڭ گەكتار سۋارمالى جەرلەردى اينالىمعا ەنگىزۋگە مۇمكىندىك تۋاتىنىن جەتكىزدى.
وقو اكىمىنىڭ باسپا ءسوز قىزمەتى
