Álemge áigili ánshi, Qazaqstannyń Halyq ártisi Dimash Qudaibergen sarapshy Oljas Baidildinovtiń "Qazaqstan antireseige ainalyp bara jatyr" degen sózine jaýap berdi, dep habarlaidy Dalanews.kz.
Baidildinov ne degen edi?
Oljas Baidildinov Qazaqstandaǵy tildik jaǵdai men aimaq elderindegi jastardyń orys tilin bilmeý máselesine toqtalǵan. Onyń aitýynsha, bul qubylys Resei úshin de mańyzdy áleýmettik ári ideologiialyq faktorǵa ainalyp keledi.
"Qazir qazaq tilinde oqytylatyn synyptar – 70 paiyz, al orys tilinde oqytylatyn synyptar – shamamen 30 paiyz ǵana. Iaǵni, oqytý júiesinde qazaq tiliniń basymdyǵy aiqyn. Burynǵydai Resei óz mektepterin ashý kerek pe degen suraq týyndaidy, biraq bul qadam el ishinde qarsylyq týdyrýy múmkin", – dedi Baidildinov.
Ol, sonymen qatar, Ortalyq Aziia elderindegi jastardyń kópshiligi orys tilin bilmeitinin, bul jaǵdai Reseige migratsiialyq turǵydan da áser etip jatqanyn aitty.
"Qazaqstannyń ońtústiginen ári qaraiǵy elderde jastar oryssha sóilemeidi. Bul Resei úshin de másele – migranttardyń sapasy tómendep barady. Munyń áserin biz aldaǵy jyldary anyq baiqaimyz", – deidi sarapshy.
Baidildinov jeke tájiribesin mysalǵa keltirdi.
"Byltyr Qytaiǵa ushtym, "Almaty–Úrimji" reisimen. Sol reiste Qytaiǵa baǵyt alǵan túrli eldiń azamattary boldy. Shekarada kórgenim – jastar oryssha da, qytaisha da sóilei almaidy. Olar onlain-aýdarmashy arqyly túsinisip tur. Al qytai shekarashylary kerisinshe, erkin oryssha sóileidi. Mundaidy kórip tańǵalasyń", – dedi ol.
Saiasattanýshynyń pikirinshe, bul tek tildik emes, ideologiialyq másele de bolyp otyr.
"Menińshe, bul ideologiialyq baǵytta jumys isteitin sala. Qazaqstandy Ýkrainadaǵydai "antireseilik" baǵyttaǵy elge ainaldyrýǵa talpynystar bar siiaqty. Sondyqtan mundai tendentsiialarǵa beijai qaraýǵa bolmaidy", – dedi Oljas Baidildinov.
Dimashtyń jaýaby
Sarapshynyń bul sózinshe ánshi Dimash Qudaibergen ótkir jaýap berdi.
"Biz, qazaqtar, álemniń barlyq tilin qurmetteimiz. Biraq qurmet ózińnen bastalady. Óz tilinen ózgeniń maquldaýy úshin uialǵan adam sózin emes, tamyryn joǵaltady. Oljas, sen siiaqty arandatýshyny jumystan shyǵarady dep úmittenemin, óitkeni sen qorqaq kishkentai bala sekildisiń. Qazaqsha jazbadym, óitkeni sen qazaq tilin bilmeisiń", - deidi Dimash.
