Atyraýlyq Iana Legkodimovanyń isi boiynsha sot otyrysy keiinge qaldyryldy, dep habarlaidy Dalanews.kz Atyrau.Today arnasyna siltep.
Búgin Atyraýda 23 jastaǵy Iana Legkodimovanyń ólimine qatysty is boiynsha kezekti sot otyrysy ótýge tiis edi. Alaida aiyptalýshylardyń biriniń qorǵaýshysy naýqastanyp qalǵandyqtan, protsess keiinge qaldyrylǵan.
Kelesi otyrystar 22, 23, 28, 29, 30 jáne 31 qazan kúnderi ótedi.
Aita keteiik, tergeý málimetinshe, Iana 2024 jylǵy 18 qazanda úiinen tanysynyń qońyraýynan keiin shyǵyp ketip, qaita oralmaǵan. Kúdiktiler - 24 jáne 25 jastaǵy eki er adam. Tergeý málimeti boiynsha olardyń biri qyzdy kólikte tunshyqtyrǵan, ekinshisi esikti jaýyp turǵan. Keiin súiekti Taldykól mańyndaǵy Jaiyq ózenine tastaǵan.
Marqumnyń súiegi segiz aidan keiin, 2025 jylǵy maýsymda tabyldy.
