اتىراۋلىق يانا لەگكوديموۆانىڭ ءىسى بويىنشا سوت وتىرىسى كەيىنگە قالدىرىلدى، دەپ حابارلايدى Dalanews.kz Atyrau.Today ارناسىنا سىلتەپ.
بۇگىن اتىراۋدا 23 جاستاعى يانا لەگكوديموۆانىڭ ولىمىنە قاتىستى ءىس بويىنشا كەزەكتى سوت وتىرىسى وتۋگە ءتيىس ەدى. الايدا ايىپتالۋشىلاردىڭ ءبىرىنىڭ قورعاۋشىسى ناۋقاستانىپ قالعاندىقتان، پروسەسس كەيىنگە قالدىرىلعان.
كەلەسى وتىرىستار 22، 23، 28، 29، 30 جانە 31 قازان كۇندەرى وتەدى.
ايتا كەتەيىك، تەرگەۋ مالىمەتىنشە، يانا 2024 جىلعى 18 قازاندا ۇيىنەن تانىسىنىڭ قوڭىراۋىنان كەيىن شىعىپ كەتىپ، قايتا ورالماعان. كۇدىكتىلەر - 24 جانە 25 جاستاعى ەكى ەر ادام. تەرگەۋ مالىمەتى بويىنشا ولاردىڭ ءبىرى قىزدى كولىكتە تۇنشىقتىرعان، ەكىنشىسى ەسىكتى جاۋىپ تۇرعان. كەيىن سۇيەكتى تالدىكول ماڭىنداعى جايىق وزەنىنە تاستاعان.
مارقۇمنىڭ سۇيەگى سەگىز ايدان كەيىن، 2025 جىلعى ماۋسىمدا تابىلدى.
