Almaty qalasy Bostandyq aýdanynda paidalanýǵa jaramdy taqtatastary (brýschatka) úiilip, qoqys alańyna ainalǵan. Belgili jýrnalist Nurlan Jumahan áleýmettik jelide video jariialap, bilikten túsinikteme surady, dep habarlaidy Dalanews.kz.
Jýrnalistiń aitýynsha, bul jer Jarokov, Gagarin jáne Ótepov kósheleriniń aralyǵynda ornalasqan. Buǵan deiin alańqaidyń ornyna qurylys júrgiziledi degen aqparat taraǵan, alaida is júzinde ol júzege aspaǵan. Keiingi bir apta ishinde aýmaq túrli formadaǵy, bútin jáne zaqymdalmaǵan taqtataspen (brýschatkamen) tolyp ketken.
“Myna trotýar tastarynyń eshqaisysy tozyp tur deýge kelmeidi. Kádimgi taza, bútin, tórtburysh jáne altyburysh formalary da bar. Munyń bárin qaita paidalanýǵa ábden bolady”, - deidi jýrnalist.
Olardyń sózinshe, kei jerlerde tastar qumymen birge sypyrylyp ákelingen. Bul burynǵy trotýar jabyndysy ekeniniń dáleli.
“Qalanyń qaq ortasynda osyndai qoqys alańyn jasaý — memlekettiń qarjysyn rásýa etý. Bul tastardyń ornyna qanshama jańa brýschatka tóseldi, ol milliondaǵan, tipti milliardtaǵan teńgege tústi. Sanjar Boqaev kóterip júrgen másele óte oryndy”, — dep qosty jýrnalist.
Aita keteiik, buǵan deiin qoǵam belsendisi Sanjar Boqaev Almatydaǵy jóndeý jumystary kezinde jaramdy qurylys materialdarynyń ysyrap bolyp jatqanyn birneshe ret synǵa alǵan edi.
