Mańǵystaý oblysy ákimdiginde ótken keńeitilgen jiynda óńirde suiytylǵan gaz tapshylyǵynyń negizgi sebepteri ataldy, dep habarlaidy Dalanews.kz.
Resmi málimetke súiensek, oblystyń ai saiynǵy suiytylǵan gazǵa degen qajettiligi — 18 myń tonna. Mańǵystaý aimaǵyn bul otynmen negizinen Jańaózendegi Qazaq gaz óńdeý zaýyty jáne Atyraý munai óńdeý zaýyty qamtamasyz etip kelgen. Alaida Atyraý zaýytynyń josparly jóndeýge toqtaýyna bailanysty óńir qazan aiynda shamamen 3,7 myń tonna gazdy kem alady.
Bul tapshylyqty Aqtóbe zaýytynan jetkizý arqyly jabý kózdelgenimen, araqashyqtyqtyń uzaqtyǵyna bailanysty tasymaldaý kezinde keshigýler oryn alyp otyr.
Sonymen qatar oblystyq kásipkerlik basqarmasy gaz tapshylyǵynyń taǵy bir sebebin atady.
"Máseleniń týyndaýyna keibir kásipkerlerdiń jaýapsyz áreketteri de sebep boldy. Olarǵa bólingen gaz belgilengen janarmai quiý beketterine jetkizilmei, ózge óńirlerge satylǵan jaǵdailar anyqtaldy. Buǵan qosa, keibir jańa stantsiialar tek qaǵaz júzinde tirkelip, ai saiynǵy bólinis kólemin arttyrý úshin paidalanylǵan. Al shyn máninde gaz basqa núkteler arqyly satylǵan", – delingen habarlamada.
Qazir Mańǵystaý oblysynda 552 gaz quiý beketi jumys istep tur. Byltyr olardyń sany 462 bolǵan.
Ákimdik ár litr bólingen gazdyń tasymal baǵytyn anyqtaý maqsatynda tekseris júrgizetinin málimdedi. Sondai-aq qarasha aiynan bastap óńirge avtogaz jetkizilimi qalpyna keledi dep kútilýde.
