Ulybritaniia «Lýkoil» jáne «Rosneft» kompaniialaryna qarsy jańa sanktsiialar engizdi. Bul aqparat Ulybritaniia úkimetiniń resmi saitynda jariialanǵan sanktsiialar tiziminde kórsetilgen, dep habarlaidy Dalanews.kz.
Sharalar aktivterdi buǵattaýdy, sondai-aq senimgerlik qyzmetter men kólikke qatysty shekteýlerdi qamtidy. Qujatta mundai sheshim Resei úkimeti úshin strategiialyq mańyzy bar salada, iaǵni energetika sektorynda biznes júrgizýmen bailanysty ekeni aitylǵan. Buǵan deiin bul kompaniialar salalyq sanktsiialar tiziminde bolǵan.
«Rosneftke» qatysty Ulybritaniia biligi kompaniiaǵa tiesili, onyń baqylaýyndaǵy, jalǵa alǵan nemese paidalanatyn kemelerge Ulybritaniia porttaryna kirýge tyiym saldy. Sondai-aq kompaniiaǵa tiesili áýe kemelerine eldiń áýe keńistigi arqyly ushýǵa jáne aýmaǵyna qonýǵa tyiym salyndy.
Sonymen qatar, Ulybritaniia úkimeti saitynda jariialanǵan qujatqa sáikes, «Rosnefttiń» iri aktsioneri úndilik Nayara Energy kompaniiasy da sanktsiialar tizimine engizildi.
Buǵan qosa, sanktsiialar tizimine qytailyq National Pipeline Group Beihai Liquefied Natural Gas CO LTD kompaniiasy da kirdi. Ony tizimge engizý sebebi retinde britan sanktsiialary astyndaǵy kemelermen bailanysy atalǵan.
Sondai-aq sanktsiia tizimine Ulttyq tólem júiesi jáne birqatar reseilik bankter - Transstroibank, Primsotsbank, BBR bank jáne Solid bank engizildi. Qujatta olardyń barlyǵy Resei úkimeti úshin strategiialyq mańyzy bar, iaǵni qarjy sektorynda jumys isteitini kórsetilgen.
