Phýket jaǵalaýynda týrıser mingen kater apatqa ushyrap, sýǵa batty, dep habarlaıdy Dalanews.kz.
Oqıǵa 11 qańtarda bolǵan. Korawich Marine 888 týrısik kateri balyq aýlaıtyn kememen soqtyǵysyp, kóp uzamaı sýǵa ketken.
Apat saldarynan 18 jastaǵy Reseı azamaty qaza tapty. Taǵy birneshe adam jaraqat alyp, medısınalyq mekemelerge jetkizilgen.
Kater bortynda barlyǵy 55 adam bolǵan. Olardyń ishinde segiz Qazaqstan azamaty bar. Úsheýi aýrýhanaǵa jatqyzyldy, qalǵandaryna oqıǵa ornynda kómek kórsetilgen.
Qazaqstan Syrtqy ister mınıstrliginiń málimetinshe, barlyq shyǵyndy saqtandyrý kompanıasy óz moınyna alǵan. Qazaqstan konsýly otandastarmen turaqty baılanysta bolyp, qajetti qoldaý kórsetip jatyr.
