Phýket jaǵalaýynda týrister mingen kater apatqa ushyrap, sýǵa batty, dep habarlaidy Dalanews.kz.
Oqiǵa 11 qańtarda bolǵan. Korawich Marine 888 týristik kateri balyq aýlaityn kememen soqtyǵysyp, kóp uzamai sýǵa ketken.
Apat saldarynan 18 jastaǵy Resei azamaty qaza tapty. Taǵy birneshe adam jaraqat alyp, meditsinalyq mekemelerge jetkizilgen.
Kater bortynda barlyǵy 55 adam bolǵan. Olardyń ishinde segiz Qazaqstan azamaty bar. Úsheýi aýrýhanaǵa jatqyzyldy, qalǵandaryna oqiǵa ornynda kómek kórsetilgen.
Qazaqstan Syrtqy ister ministrliginiń málimetinshe, barlyq shyǵyndy saqtandyrý kompaniiasy óz moinyna alǵan. Qazaqstan konsýly otandastarmen turaqty bailanysta bolyp, qajetti qoldaý kórsetip jatyr.
