پحۋكەت جاعالاۋىندا تۋريستەر مىنگەن كاتەر اپاتقا ۇشىراپ، سۋعا باتتى، دەپ حابارلايدى Dalanews.kz.
وقيعا 11 قاڭتاردا بولعان. Korawich Marine 888 تۋريستىك كاتەرى بالىق اۋلايتىن كەمەمەن سوقتىعىسىپ، كوپ ۇزاماي سۋعا كەتكەن.
اپات سالدارىنان 18 جاستاعى رەسەي ازاماتى قازا تاپتى. تاعى بىرنەشە ادام جاراقات الىپ، مەديسينالىق مەكەمەلەرگە جەتكىزىلگەن.
كاتەر بورتىندا بارلىعى 55 ادام بولعان. ولاردىڭ ىشىندە سەگىز قازاقستان ازاماتى بار. ۇشەۋى اۋرۋحاناعا جاتقىزىلدى، قالعاندارىنا وقيعا ورنىندا كومەك كورسەتىلگەن.
قازاقستان سىرتقى ىستەر مينيسترلىگىنىڭ مالىمەتىنشە، بارلىق شىعىندى ساقتاندىرۋ كومپانياسى ءوز موينىنا العان. قازاقستان كونسۋلى وتانداستارمەن تۇراقتى بايلانىستا بولىپ، قاجەتتى قولداۋ كورسەتىپ جاتىر.
