Ońtústik óńirlerdegi sý qoimalarynyń tolymy byltyrǵy kórsetkishten shamamen 2 mlrd tekshe metrge tómen, dep habarlaidy Dalanews.kz.
Bul týraly Úkimet otyrysynda Sý resýrstary jáne irrigatsiia ministri Nurjan Nurjigitov málimdedi. Onyń aitýynsha, Syrdariia ózeniniń joǵarǵy aǵysynda, kórshiles elder aýmaǵynda ornalasqan sý qoimalaryndaǵy sý kólemi ótken jyldyń osy kezeńimen salystyrǵanda 3,2 mlrd tekshe metrge azaiǵan. Al Qazaqstannyń ońtústik aimaqtaryndaǵy qoimalarda sý 1,9 mlrd tekshe metrge kem.
Ministr mundai jaǵdai kúz-qys mezgilinde jaýyn-shashynnyń az túsýi, muzdyq aǵysynyń qysqarýy jáne klimattyń ózgerýimen bailanysty ekenin aitty.
«Bul – uzaq merzimdi sipatqa ie obektivti shyndyq. Sondyqtan biz júieli beiimdelýge kóshýimiz kerek. Ministrlik 2026 jylǵy sýarý maýsymyna daiyndyqty bastap ketti. Aqpan aiynda eń pessimistik stsenarii boiynsha sý paidalaný limitteri naqtylanady, al naýryzda Aýyl sharýashylyǵy ministrligi egis qurylymyn qaita qaraidy», – dedi Nurjigitov.
Sondai-aq ministrlik diqandardy sýdy kóp qajet etpeitin daqyldarǵa kóshýge shaqyrdy.
Eske salaiyq, byltyr jeltoqsanda Premer-ministrdiń orynbasary Qanat Bozymbaev aldaǵy vegetatsiialyq maýsymda ońtústik óńirlerde sý tapshylyǵy 1 mlrd tekshe metrge deiin jetýi múmkin ekenin aitqan edi.
