Qazaqstan munaıynyń Kaspıı qubyry arqyly eksporty qaıta qysqardy, dep habarlaıdy Dalanews.kz.

Qazaqstan munaıyn Qara teńizge shyǵaratyn Kaspıı qubyr konsorsıýmy (CPC) arqyly tasymal kólemi taǵy tómendedi. Bloomberg dereginshe, eksporttyń azaıýyna aýa raıynyń qolaısyzdyǵy, tehnıkalyq jóndeý jumystary jáne ınfraqurylymdaǵy aqaýlar áser etken.

Qańtar aıynda CPC Blend markaly munaıdyń táýliktik jóneltilýi 800–900 myń barel shamasynda qalyptasyp otyr. Bul jeltoqsannyń ortasynda josparlanǵan deńgeıden shamamen 45 paıyzǵa tómen.

Naryqtaǵy treıderlerdiń habarlaýynsha, Qazaqstan munaıyna qatysty josparlanǵan 45 jóneltimniń keminde 21-i ýaqytsha toqtatylǵan.