Shymkentte qyzdy óltirdi degen kúdikti ustaldy, dep habarlaidy Dalanews.kz.
Politsiia qyzmetkerleri jedel izdestirý is-sharalary barysynda 21 jastaǵy jergilikti turǵyndy óltirdi degen kúdikti er adamdy ustady.
Izdeý jumystaryna qalalyq Politsiia departamentiniń jeke quramy tolyqtai jumyldyryldy.
"Qalanyń kireberis jáne shyǵaberis baǵyttarynda baqylaý kúsheitilip, aýmaqty jan-jaqty tekserý júrgizildi. Kúdikti qala aýmaǵynan shamamen 10 shaqyrym qashyqtaǵy ashyq jerde anyqtalyp, ustaldy. Qazirgi tańda 28 jastaǵy turǵyn ýaqytsha ustaý izoliatoryna qamaldy", - dedi politsiia.
Aldyn ala málimetke sáikes kúdikti marqummen buryn tanys bolǵan. Qylmystyń sebepteri men mán-jaiy tergeý barysynda anyqtalady.
Bul jait boiynsha qylmystyq is qozǵalyp, keshendi jedel-tergeý sharalary júrgizilip jatyr.
