شىمكەنتتە قىزدى ءولتىردى دەگەن كۇدىكتى ۇستالدى، دەپ حابارلايدى Dalanews.kz.
پوليسيا قىزمەتكەرلەرى جەدەل ىزدەستىرۋ ءىس-شارالارى بارىسىندا 21 جاستاعى جەرگىلىكتى تۇرعىندى ءولتىردى دەگەن كۇدىكتى ەر ادامدى ۇستادى.
ىزدەۋ جۇمىستارىنا قالالىق پوليسيا دەپارتامەنتىنىڭ جەكە قۇرامى تولىقتاي جۇمىلدىرىلدى.
"قالانىڭ كىرەبەرىس جانە شىعابەرىس باعىتتارىندا باقىلاۋ كۇشەيتىلىپ، اۋماقتى جان-جاقتى تەكسەرۋ جۇرگىزىلدى. كۇدىكتى قالا اۋماعىنان شامامەن 10 شاقىرىم قاشىقتاعى اشىق جەردە انىقتالىپ، ۇستالدى. قازىرگى تاڭدا 28 جاستاعى تۇرعىن ۋاقىتشا ۇستاۋ يزولياتورىنا قامالدى"، - دەدى پوليسيا.
الدىن الا مالىمەتكە سايكەس كۇدىكتى مارقۇممەن بۇرىن تانىس بولعان. قىلمىستىڭ سەبەپتەرى مەن ءمان-جايى تەرگەۋ بارىسىندا انىقتالادى.
بۇل جايت بويىنشا قىلمىستىق ءىس قوزعالىپ، كەشەندى جەدەل-تەرگەۋ شارالارى جۇرگىزىلىپ جاتىر.
