Reseilik bloger Karina Fadeeva Bali aralynda demalyp júrgen kezinde ózine Qazaqstannan shyqqan model Gúlsezim Altaibekova shabýyl jasaǵanyn aitty, dep habarlaidy Dalanews.kz.
Fadeevanyń sózinshe, oqiǵa barlardyń birinde bolǵan. Ol qurbylarymen óz ústelinde otyrǵan, al kórshi ústelde bir top er adam men bir qyz demalyp otyrǵan. Kenet blogerdiń aitýynsha, ol kútpegen jerden soqqy alyp, esinen tanyp qulap qalǵan. Odan keiin tek jedel járdem men dárigerlerdiń kómegin ǵana esine alady.
Fadeeva basynan jáne erninen jaraqat alyp, kóp qan joǵaltqanyn, oǵan tigis salynǵanyn aitty. Qazir de basy qatty aýyryp, dári-dármek iship júrgenin, oń qulaǵy áli durys estimeitinin jetkizdi.
Jábirlenýshiniń aitýynsha, ol shabýyl jasaǵan qyzdy múlde tanymaidy jáne mundai áreketke ne sebep bolǵanyn túsinbeidi. Fadeeva kúdiktimen ortaq tanystary arqyly bailanysqa shyqqanyn, alaida kezdesýge ózi barmaǵanyn aitty. Onyń sózinshe, qyz kinásin moiyndamai, «eshteńe esimde joq» dep jaýap bergen jáne tek keshirim suraýǵa daiyn ekenin bildirgen.
Karina Fadeeva bul oqiǵa boiynsha ádil jazaǵa qol jetkizýge nietti ekenin málimdedi.
