Omar Jáleldiń burynǵy áieli Liazat Myrzash báibishesinen keshirim surady, dep habarlaidy Dalanews.kz.
"Aǵattyq bárimizden bolady ǵoi. Tilimizden taýyp, ashýǵa býlyqqan kezder bolady. Ol kisiniń (báibishesi) ózine de jazǵanmyn. Meniń tarapymnan qiynshylyq kórseńiz keshirińiz dep jazǵanmyn. Biraq ol kisi "menen emes, búkil áleýmettik jeliden keshirim suraisyń" dep jazǵan. Osyny paidalanyp, Omardyń birinshi jubaiy Meńdigúlden "eger men ómirińizge qandai da bir aýyrtpalyq, qiyndyq salsam keshirim suraimyn. Biraq olardyń otbasyn buzdym dep sanamaimyn. Barlyq jerde birge júredi. Menen aǵattyq ketse keshirim suraimyn. Basqa áielderine de kesirim tigen joq dep oilaimyn", - deidi Liazat Myrzash.
Sonymen qatar, Liazat Myrzash Omar Jálelge de úndeý jasady.
"Ol kisiniń bala tárbiesine aralaspaýyn bir ǵana nárse aqtai alady: óndirsin, el úshin, ǵylym úshin óndirsin. Móp-móldir qylyp roman jazǵym keledi deitin. Sony jazsyn. Balalardy asyraimyn, baǵamyn, kúsh-qýatym jetedi", - deidi Liazat.
Eske salaiyq, buǵan deiin Liazat Myrzash kúieýin sotqa beretinin málimdegen edi.
Liazat Myrzashtyń sózinshe, Omar Jáleldi sotqa berýine onyń jazbasy sebep bolǵan.
"Bárińiz jarysa tań azanmen joldaǵan Omardyń postyn oqydym jáne óz sózine ózi jaýap bere almaǵandyǵy úshin balalary úshin jaýapkershilikten bas tartyp otyrǵany úshin sotqa beremin dep sheshtim. Óz balalaryn, meniń 9 ai kóterip, tolǵatyp týǵan urpaqty qunsyzdandyrǵany úshin sotqa beremin-dep sheshtim. Biyl maskalar sheshiletin jyl! Maǵan járdem bere alatyn advokattar bolsa jekege shyǵyńyz, nemese osynda belgileńizdershi", - deidi Myrzash.
