Tuńǵysh prezıdent Nursultan Nazarbaevtyń Úshqońyrdaǵy rezıdensıasy jıeni Nurálı Álıevtiń menshigine ótti, dep habarlaıdy Dalanews.kz.
"Azattyq" radıosy málimetinshe, Nursultan Nazarbaevtyń Úshqońyrdaǵy rezıdensıasy onyń jıeni Nurálı Álıevke qarasty tehnologıalyq kompanıaǵa ótti. Buǵan deıin ol eks-prezıdentke qarasty qordyń menshiginde bolǵan.
Úshqońyr rezıdensıasy 2014 jyly salynyp, 2016 jyly resmı tirkeýden ótken. Saraı resmı túrde Almaty oblysy Qarasaı aýdany Shamalǵan aýylynyń aýmaǵyna kiredi.
Nurálı Álıev – Nazarbaevtyń úlken qyzy Darıǵa Nazarbaevanyń uly.
Azattyń radıosynyń jazýynsha, jyljymaıtyn múliktiń Nurálı Álıevtiń qurylymdaryna qandaı shartpen aýysqany týraly ashyq aqparat joq.
Forbes esebinshe, Nurálı Álıev byltyr Qazaqstandaǵy eń baı adamdar tiziminde 289 mln dollarmen 39-orynǵa turaqtaǵan. 2025 jyly ol eldegi baılanys salasyndaǵy iri aktıvi "Transtelekomdy" satqan. Jaqynda Instagram paraqshasynda týǵan kúnin toılap, adamdarǵa rýhanı tálim beretin joba bastaǵanyn málimdegen edi.
