Máskeýdegi qazaq lobbii Qazaqstan men Resei arasyndaǵy klimattyń jyly jáne turaqty bolýyna múddeli. Sebebi, Reseide qazaq oligarhtarynyń úlken investitsiialary men biznesteri bar. Vladimir Solovev syndy Z-propagandister eki jaqty biznes ahýalǵa tek qana kedergi keltirýde. DALA INSIDE derekkóziniń sózinshe, ol úlken qarjylyq toptarǵa unamai otyr.
«Jabyq esik jaǵdaiynda talqylandy. Osy aptada Kremlge jaqyn oligarh Sýleiman Kerimov arqyly Vladimir Solovevke Qazaqstanǵa múlde tiispeýin sypaiy túrde eskertýi tiis. Solovev aqylǵa kónbese, Tigran Keosaian stsenariiin qaitalap, Solovevti ómirden «alastatyp» jiberý variantyn qarastyrýy múmkin. Biraq bul eń aqyrǵy nusqa. Oǵan deiin jetkizbeitin siiaqty. Propagandist Sýleiman Kerimovten qatty qorqady», - deidi, derekkóz.
Qazaqstandyq kapitaldyń Reseidegi negizgi aktivteri bank salasynan qonaqúiler jelisine deiin sozylyp, óte aýqymdy imperiiany quraidy. Aziia-Tynyq muhit banki Nursultan Nazarbaevqa, The Carlton, Mövenpick, Pana otelder jelisi Bolat Ótemuratov pen Qairat Itemgenovke tiesili. Sonymen birge qazaq aktsionerleri KAMAZ ben GAZ óndiristik toptarynda óz úlesterin ustap otyr. Osy kapital úshin Qazaqstan men Reseidiń arasy tynysh bolyp, túrli saiasi oiyndardan aýlaq júrgeni tiimdi. Sebebi olar ázirbaijan biznesiniń Máskeýde birshama pozitsiiasynan airylyp qalǵanyn óz kózimen kórdi. Máskeýlik propagandister anda-sanda Qazaqstanǵa tiisip turýdy ádetke ainaldyrǵan.
Keosaian, Simonian, Mardan, Fedorov, Solovevtar 2022 jyldan beri bul taqyrypta tym erkinsip ketti. Keibir kezde Qazaqstannyń Syrtqy ister ministrligi nota joldap júrdi. Mundai saiasi intrigalar bizneske de unamaidy. Sebebi, investitsiialyq ahýal nasharlap, kapitaldyń qaýipsizdigine qater tónedi. Sol sebepti Solovev máselesi osy aptada sheshilýi tiis.
