Qazaqstanda 3,5 myńnan astam meditsinalyq nysanda jáne vaktsina tasymaldaityn 800-den astam kólikte temperatýralyq rejim onlain baqylanady. Bul týraly Úkimet otyrysynda Densaýlyq saqtaý ministri Aqmaral Álnazarova málimdedi, dep habarlaidy dalanews.kz.
Ministrdiń aitýynsha, vaktsinalardy saqtaý jáne tasymaldaýdy baqylaýdyń biryńǵai tsifrlyq júiesi preparattardy Biryńǵai distribiýtor qoimalarynan meditsinalyq uiymdarǵa jetkizýdiń barlyq kezeńin qamtidy.
Osy maqsatta vaktsinalar saqtalatyn nysandarǵa málimetterdi biryńǵai tsifrlyq platformaǵa avtomatty túrde jiberetin temperatýra datchikteri ornatylady. Al tasymaldaý kezinde temperatýralyq rejim men kóliktiń qozǵalysyn baqylaý úshin avtokólikter GPS-trekerlermen jabdyqtalady.
Temperatýra kórsetkishteri belgilengen talaptardan aýytqyǵan jaǵdaida júie jedel habarlama jiberip, qajetti sharalardy ýaqytyly qabyldaýǵa múmkindik beredi.
Álnazarovanyń sózinshe, vaktsinatsiia qaýipsizdigi preparattardy durys saqtaý men tasymaldaýǵa tikelei bailanysty. Sondyqtan jańa júie vaktsinalardyń sapasy men qaýipsizdigin jetkizýdiń ár kezeńinde baqylaýǵa baǵyttalǵan.
Júieni aldyn ala iske qosý 2026 jylǵy qarashaǵa josparlanǵan. Tsifrlyq monitoring vaktsinalardy saqtaý senimdiligin arttyryp, olardy tasymaldaý úderisiniń ashyqtyǵyn qamtamasyz etýge tiis.
