Tarazda 17 mln teńgeniń altyn buiymdaryn urlaǵan kúdiktiler ustaldy, dep habarlaidy dalanews.kz.
102 nómirine Taraz qalasynyń turǵyny qońyraý shalyp, belgisiz bireýler páterinen 30-dan asa altyn buiymyn, gaýhar tastaryn jáne 830 myń teńge kólemindegi qarajatyn urlap ketkenin habarlaǵan.
Kúdiktiler páterge úide eshkim joq kezde kelip, esiktiń qulpyn buzý arqyly kirgen. Qoldy bolǵan aqshanyń arasynda qyrǵyz somy, eýro, qytai iýani bolǵan. Jalpy keltirilgen shyǵyn kólemi 17 million teńgeden asqan.
Jedel izdestirý is-sharalary nátijesinde politsiia qyzmetkerleri eki er adamdy anyqtady. Biri - Túrkistan oblysynyń turǵyny. Tintý kezinde kúdiktilerden aiǵaq zattar tabylǵan.
Olar keibir buiymdardy satyp úlgergen. Qazir tergeý júrgizilip jatyr.
