Abai oblysynyń ortalyǵy Semei qalasynda 15 jastaǵy Aidar Seitalin iz-túzsiz joǵalyp ketti. Jasóspirim 31 qazan kúni úiinen shyǵyp, sodan beri qaita oralmaǵan. Politsiia balany izdestirip, turǵyndardan kómek surady, dep habarlaidy dalanews.kz.
Abai oblysy Politsiia departamentiniń málimetinshe, 2011 jylǵy 10 mamyrda dúniege kelgen Aidar Damiruly Seitalin 31 qazan kúni úiinen belgisiz baǵytqa ketken. Arada birneshe kún ótse de, jasóspirimniń qaida júrgeni týraly aqparat túspegen.
1 qarasha kúni Semei qalasynyń 44 jastaǵy turǵyny politsiiaǵa habarlasyp, balasynyń úige oralmaǵanyn jetkizgen.
Osydan keiin tártip saqshylary jasóspirimdi izdestirý sharalaryn bastaǵan. Qazirgi ýaqytta politsiia qyzmetkerleri onyń júrgen jerin anyqtaý úshin jedel-izdestirý jumystaryn júrgizip jatyr.
Abai oblysynyń Politsiia departamenti Aidardy kórgen nemese onyń qaida júrgenin biletin azamattardy quqyq qorǵaý organdaryna habarlasýǵa shaqyrdy.
