Atyraý oblysynda qaiyn atasy men qaiyn enesin óltirdi degen kúdikke ilingen er adamǵa halyqaralyq izdeý jariialandy. Sondai-aq, marqumdardyń qyzy – kúdiktiniń jubaiy da halyqaralyq deńgeide izdestirilip jatyr, dep habarlaidy Dalanews.kz.
Bul aqparatty oblystyq Politsiia departamenti rastady.
Vedomstvo málimetinshe, politsiia eki adamǵa halyqaralyq izdeý jariialaǵan:
- er adam qylmys jasady degen kúdikpen;
- áiel adamǵa, iaǵni Aqbaian Muqanǵalievaǵa habar-osharsyz ketken tulǵa retinde.
Qazir oqiǵanyń barlyq mán-jaiy anyqtalyp, tergeý amaldary jalǵasyp jatyr.
Eske salaiyq, buǵan deiin Atyraý oblysynda bir otbasy izdestirilip jatqany habarlandy. Politsiiaǵa aryz 25 jeltoqsanda túsken. 6 qańtarda erli-zaiypty óli tabyldy.
