Óziniń qolyna túsirgen Aqiyqtyń babyn jaratyp, onyń kieli qus ekenin aityp otyrady. Kúnderdiń bir kúni aidahar oianyp, jer-kókti zilzala etip, taý basyn jaryp shyǵady. Ainalany túnek basyp, qarańǵylyq jailaidy. Aýyldy daýyl terbep, jurtty úrei bileidi. Aqsaqaldyń záre-quty qashyp, qubyjyqtyń oianǵanyn sezedi. Budan qalai qutylaryn bilmegen búrkitshi tek aqiyǵyna senedi. Osy shaqta qyran qus kókke kóterilip, taýǵa qarai zaýlaidy. Ot shashqan aidahardy altyn tegeýirinimen kózin qos kózin aǵyzyp, óltiredi de, aýyldy aman-esen saqtap qalady. Asyly, el arasynda mundai ańyz da bar. Mýltfilmge jańadan siýjet izdegennen góri, halyq arasyndaǵy rýhani áńgimelerdi, ańyz-áfsanalar men ertegi-mif keiipkerlerin tiriltsek, utpasaq, utylmasymyz anyq. «Tastúlektiń» sońy qamyryqty muńmen aiaqtalady. Bir kebisti bir kebiske kidirip, jolyndaǵynyń bárin urlap-jyrlap qumar bireý qusbegi ólip, onyń asyna soiylǵan atynyń qazysyna toiattaýǵa kelgen aqiyqtyń qasyna baryp, altyn tegeýirinin julyp alady. Adamdardyń opasyzdyǵyna, satqyndyǵyna tózbegen qyran zaý kókke samǵap, qusbeginiń molasyna soǵylyp óledi. Qyrannyń tektiligi janarǵa jas úiirerliktei.
Buǵan deiin de birneshe qazaq mýltfilmin kórgenbiz. Sońǵy jyldary bul salada azdap bolsa da jandaný baiqalady. Ókinishtisi, kóbiniń kásibiligi joq. Tapsyryspen asyǵys jasalǵan dúnieler ekeni, tender alyp, qazaq ertegileri men batyrlarynyń obrazdaryn shalajansar dúniege ainaldyrǵany jandy aýyrtady. Al myna mýltfilm kásibiligimen de, kórkemdik deńgeiimen de eldiń kóz qýanyshyna ainalaryna shúbásiz senemiz. Eger dál osy jastar býynyn qoldap, tolyq metrajdy mýltfilm túsirýge jaǵdai jasar bolsa, áli-aq qazaq mýltifikatsiiasynyń kókjiegi keńeie túser edi. Nebary 23 minýttyq «Tastúlektiń» ózinde qat-qabat jeliler, oqiǵalyq shtelenis, keiipkerler minezi men bolmysy sátti somdalǵanyna tánti bolmai tura almaisyz. Biz «Tastúlektiń» oqiǵa órimin tutastai qamtýdy qalamadyq, mundai jańa dúnielerdi halyq óz kózimen kórip, ondaǵy árbir detalǵa jiti nazar aýdarǵany abzal.
T. ÓSKENBAI.
«Balapan» telearnasy qazaq balalarynyń mádeni tanymyn, oi óresin, qazaqy minezin qalyptastyrýǵa kúsh salatyn birden bir arna bolǵandyqtan, «Qazaqfilmniń» árbir mýltirterin keńirek nasihattaǵany abzal. «Tastúlek» kógildir ekran arqyly kórermenge tezirek jol tartsa, búgingi qazaq mýltfilminiń damý baǵdarynyń óskendigine jurttyń kózi jeter edi. Byltyr daiyn bolǵan «Tastúlektiń» ekranǵa jol tartpai, tartpada jatqandyǵy túsiniksiz...
https://www.youtube.com/watch?v=ix7rvj5V15k
