Bul maqalada sanany jańǵyrtý, ulttyq bolmystan, ulttyq kodtan aıyrylyp qalmaı, ony álemdik qundylyqtarmen úılestirip, Qazaqstannyń ıgiligine jaratý jolyndaǵy maqsat-múddeler týraly ózekti másele kóterildi. Tuńǵysh Prezıdent maqalada atalmysh jańǵyrýdyń negizgi qyzmeti men erekshelikterine oı júgirtip, bul jańǵyrýdyń mańyzdylyǵyna toqtalady: «Jańǵyrý ataýly burynǵydaı tarıhı tájirıbe men ulttyq dástúrlerge shekeden qaramaýǵa tıis. Kerisinshe, zamana synynan súrinbeı ótken ozyq dástúrlerdi tabysty jańǵyrýdyń mańyzdy alǵysharttaryna aınaldyra bilý qajet. Eger jańǵyrý eldiń ulttyq-rýhanı tamyrynan nár ala almasa, ol adasýǵa bastaıdy. Sonymen birge, rýhanı jańǵyrý ulttyq sananyń túrli polústerin qıynnan qıystyryp, jarastyra alatyn qudiretimen mańyzdy». Ultymyzdyń barlyq ulttyq salt-dástúrlerin, memlekettik tilimiz ben ádebıetimizdi, mádenıetimizdi, ulttyq rýhymyzdy jańǵyrtý degen asyl uǵymdardy bildiretin Elbasymyzdyń maqalasyn júzege asyrý maqsatynda óńirimizde túrli deńgeıde sharalar uıymdastyrylyp keledi.
Máselen, jýyrda shýlyq jastar «Taraz – ótken men bolashaqtyń túıisken qalasy» atty jas týrıser forýmyna qatysyp, ótkennen syr shertetin, eki myń jyldyq tarıhy bar qart qalanyń tarıhı qundylyqtarmen tanysyp qaıtty. Naqtyraq aıtqanda, Taraz qalasynda «Meniń Otanym - Qazaqstan» atty týrısik festıvál ótken bolatyn. Osy festıvál aıasyndaǵy «Taraz – ótken men bolashaqtyń túıisken qalasy» atty jas týrıser forýmyna aýdan ákimdigi kásipkerlik jáne ónerkásip bóliminiń basshysy Bolatjan Tólendıev pen mamany Jánibek Imanbaev, №10 Shý kolejiniń jastarymen jumys jasaıtyn ınspektor A.Shalkınbekova atalmysh kolej bilimgerlerin, Jambyl atyndaǵy shaǵyn ortalyqty orta mektebiniń «Balalar-jasóspirimder ólketaný jáne týrızm» ortalyǵynyń jas ólketanýshy úıirmesine qatysatyn oqýshylardy úıirme jetekshisi D.Djýmabekov bastap aparyp, qatysyp qaıtty.
Shara barysynda jastar kıeli oryndardy aralap, tarıhymen tanysty. Arnaıy tarıhı oryndardy tanystyrýshy gıdtiń uıymdastyrýymen ótken vıktorınalyq suraqtarǵa bilimgerler men oqýshylar úlken qyzyǵýshylyqpen jaýap berip, syılyqtarǵa ıe boldy.
Shý aýdany
