Shýdyń ónerpazdar synǵa tústi
Atalmysh sharanyń basty maqsaty – aimaqta klassika, djaz, romans jáne basqa da janrlardy damytyp, talanttardyń shyǵarmashylyq deńgeiin kóterý jáne nasihattaý bolyp tabylady. Bul ataýly festivalge aýdannan «Aspapty oryndaý», «Vokal» nominatsiialary boiynsha barlyǵy 30-dan asa úmitker qatysyp, túrli aspaptarda oinap, óz ónerlerin ortaǵa sala otyryp synǵa tústi. Árine, osyndai joǵary deńgeili jarysqa aýyl-aimaqtan jinalǵan jastardyń kóp ekendigi kim-kimdi de qýantary anyq. Aita ketý kerek, «Taraz simfoniiasy» óner festivaline qatysýshylar aspapty oryndaý atalymynda baian, fortepiano, gitara, sondai-aq soqpaly aspap syndy túrlerimen óner kórsetse, ekinishi «Vokal» nominatsiiasynda halyq ánderimen qatar, elimizge beligili kompozitorlardyń ánderin oryndap, qazylar alqasy men kórermenderdiń nazaryna usyndy.
Al, aýdandyq irikteý kezeńinen úzdik dep tanylǵan qatysýshylar oblystyq baiqaýǵa joldama alyp, oblys ortalyǵynda baqtaryn synaityn bolady. Irikteý kezeńniń qorytyndysy boiynsha aqtyq kezeńde 10 úmitker joldama alyp arnaiy sertifikattar tabys etildi. Shynyn aitý kerek, «Taraz simfoniiasy» óner festivali shalǵai aýyldarda nemese shaǵyn ǵana eldi mekenderde turatyn aýyl jastary úshin taptyrmas múmkindik. Kóbine-kóp tasada júrip, boiyndaǵy talantyn kópshilik nazaryna usynýǵa jasqanatyn aýyl jastary osyndai bási joǵary jarystarda ózin basqa qyrynan tanytýyna ábden bolady. Joǵaryda atap ótkenimizdei, atalmysh óner festivaliniń negizgi maqsaty da aýdandańy ónerpazdardyń boiyndaǵy darynyn jetildirýdi kózdeidi. Sol sebepti, ónerge bir taban jaqyn aýyl jastary aldaǵy ýaqytta da osyndai jarystardy tiimdi paidalana bilse eken deimiz.
