Shýda robottotehnika salasy qarqyndy damýda
Sharaǵa aýdan ákimdigi bilim bóliminiń ádiskeri Darhan Táttibekov, atalmysh mektep direktory Aijan Tastanova qatysyp, oqýshylardyń bilim-biliktiligin baǵalady. Qatysýshylar alǵashqy «Tanystyrý» kezeńinde óz tobynyń múshelerimen, uranymen tanystyryp, emblemasy týraly qysqasha túsinik berdi. Ekinshi «Kim jyldam kezeńinde» oqý barysynda ótken taqyryptar boiynsha 10 suraqqa jyldamdyq tanyta otyryp, jaýap berdi. «Jobany qorǵaý» kezeńinde úi tapsyrmasy retinde berilgen jumystar boiynsha robot maketin qurastyryp, ony jarnamalaýdan synǵa tússe, sońǵy «Ǵajaiyp alań» kezeńinde qurastyrǵan robottardyń jumys jasaý mehanizmderin túsindirip, júrgizip kórsetti. Saiys sońynda sóz sóilegen Darhan Táttibekov saiysqa qatysqan oqýshylardyń belsendigi men bilimin joǵary baǵalap, bul baǵytta oqýshylardyń bilim-biliktiligin damytýǵa zor yqpal etip júrgen kýrs jetekshisi Dan Ýalievaǵa alǵysyn bildirdi. Sondai-aq, jeńimpazdar Alǵys hattarmen marapattaldy. Al, mektep oqýshylary Baqytjan Momysh pen Bekzat Aitjan robottar jarysynyń oblystyq kezeńine joldama aldy.
Aita ketý kerek, oblys ortalyǵynan shalǵaida jatqan Shý aýdanynda byltyr «Robototehnika – oqý úrdisinde» atty aýdandyq prezentatsiialyq seminar bolyp ótken edi. Jiynnyń basty maqsaty – aýdandaǵy jalpy orta bilim beretin mektepterde «Robototehnika» úiirmeleri men elektivti kýrstardy ashý. Ol úshin aýdandyq qazynadan 6 million 474 myń 600 teńge bólinip, atalǵan qarjyǵa 33 dana «Lego» robottary satyp alynǵan edi. Oǵan qosa, ótken jyly jergilikti biýdjet esebinen aýdandaǵy mektepterde jańasha baǵytta túrlendirilgen fizika, himiia, biologiia kabinetteri jáne lingofondy mýltimedilyq kabinet pen robototehnika kabinetterin jasaqtaý da qolǵa alynǵan. Jalpy alǵanda elimiz úshin robototehnika salasy damýdyń dańǵyl jolyna endi ǵana túsken óte jas salalardyń biri bolyp esepteledi. Al álem elderinde bul salanyń tarihy tereńge ketip, búgingi kúni júzdegen jyldar boiy jasalǵan tynymsyz eńbektiń jemisin ǵylym men óndiriste keńinen paidalanyp otyr. Sondyqtan, joǵaryda atalǵan sharalardyń aýdandar úshin mańyzy óte zor.
Shý aýdany
