«Samuryq-Qazyna» qory KASE naryǵynda «Qazaqtelekom» kompaniiasynyń jai aktsiialarynyń 10,43 paiyzyn satyp alyp, óz úlesin 80,85 paiyzdan 91,28 paiyzǵa deiin arttyrdy. Qor bul sheshim kompaniianyń investitsiialyq tartymdylyǵy men jańartylǵan damý strategiiasyn eskere otyryp qabyldanǵanyn málimdedi, dep habarlaidy Dalanews.kz.
Kompaniia strategiiasy jasandy intellekt tehnologiialaryn jáne tiisti tsifrlyq infraqurylymdy engizý men damytý, sondai-aq jańa tsifrlyq qyzmetterdi naryqqa shyǵarý arqyly baǵanyń turaqty ósýine baǵyttalǵan.
«Qazaqtelekom» AQ telekommýnikatsiialyq infraqurylymdy jańǵyrtý kezeńinen ótýde: ónimdiligi joǵary esepteý klasteri qalyptastyrylǵan, kompaniia media qyzmetter naryǵynda eleýli úleske ie, mobildi segmentte belsendi jumys isteidi jáne biznestiń uzaq merzimdi ósýiniń negizin quraityn tsifrlyq servisterdiń keń aýqymyn usynady.
Mámile kompaniianyń ósý kezeńinde Qor úlesin shoǵyrlandyrýǵa jáne keiin aktsiialardy neǵurlym tartymdy sharttarmen naryqqa shyǵarýǵa baǵyttalǵan, bul investorlar úshin aktsiialardyń qosymsha qundylyǵyn qalyptastyrýǵa múmkindik beredi. Atalǵan tásil Qordyń uzaq merzimdi josparlaryna sáikes keledi jáne Qazaqstan Respýblikasy Úkimetiniń 2025 jylǵy 24 qazandaǵy № 894 qaýlysynda qarastyrylǵan, oǵan sáikes «Qazaqtelekom» AQ-nyń SPO-syn 2029 jylǵa deiin ótkizý kózdelgen.
