Buǵan Mýhoriapovtyń memlekettik tilge qatysty málimdemesi sebep boldy.
Orystildi saittardyń birine: “eger siz oryssha surap, sizge qazaqsha jaýap berse, ol ultshyldyq, ári tómen mádeniettiń belgisi” degen kásipkerdiń sózi qazaqtildi aýditoriianyń ashý-yzasyn týǵyzdy.
Biznesmenniń áleýmettik jelidegi paraqshasyna 10 myńnan asa pikir jazylyp, qazaqtildi orta Mýhoriapovtyń el aldynda keshirim suraýyn talap etti.
“Ramil Mýhoriapovtyń osy replikasy bar jaǵynan alǵanda túsinispeýshilik týǵyzyp otyr. Sebebi búgin Memleket basshysynyń ózi qazaq tiline qatysty saiasi arandatýshylyqty qoiý kerek dep eskertken bolatyn. Ramil Mýhoriapov bul turǵyda kóp nárseni ýshyqtyryp jibergen siiaqty jáne onyń arty biznesi úshin jaqsylyqpen aiaqtalmaityny kórinip tur”, – deidi osy oraida Aibar Oljai.
Al qazaqtildi aýditoriia kásipkerdiń ónimderine boikot jariialamaq. Onyń ónimderine balamalar usynyla bastaǵan.
Choco ónimderin tutynbai, tolyq almastyrýǵa bola ma? Dalainside telegram arnasynyń jazýynsha:
- Chocolife.me kýpondaryn BeSmart-qa;
- Chocotravel aviabilet servisin Kaspi Trevelge;
- Chocofood jetkizý servisin Glovo men Wolt-qa;
- Chocomart.kz, Lensmark.kz internet dúkenderin Kaspi.kz dúkenine;
- iDoctor.kz dáriger izdeý servisin Doq.kz servisine;
- Rahmet keshbek mobildi qosymshasyn Dosmart qosymshasyna almastyrýǵa bolady.
“Byltyr ChocoFamily vyrýchkasy 17,8 million dollar bolǵan. Onyń ishindegi taza kiris boiynsha aqparat joq. Boikot – eger ol shyn jumys istei bastasa, endi qarasha-jeltoqsan ailarynyń túsimine áser etetin bolady.
Negizi, Choco úshin jeltoqsan, Jańa jyl qarsańy – eń tabysty kezeń. Týra sol tabysty ýaqyttyń aldynda tájiribeli biznesmenniń bulai qatelesýi kútpegen jaǵdai boldy”, – deidi Aibar Oljai.
[perfectpullquote align="full" bordertop="false" cite="" link="" color="" class="" size=""]
PR-shy bul máseleni jyly jaba salǵandy jón sanamaǵan.[/perfectpullquote]
“Mýhoriapov zańdy buzdy ma? Basty suraq osy. Oǵan tek qana quzyrly organ arnaiy tekserýden keiin jaýap bere alady. Biraq ol úshin azamattyq qoǵam quzyrly organǵa júginýi tiis.
Konstitýtsiialyq printsippen Ramil Mýhoriapovtyń replikasyn QR Qylmystyq Kodeksiniń 174 baby, 1 tarmaǵy boiynsha tekserýdi surap, Almaty qalasynyń Prokýratýrasyna aryz jiberdim. Aryz JT-2022-02543155 nómirimen resmi tirkeldi. 11 qarashaǵa deiin Prokýratýra resmi jaýabyn jiberedi”, – deidi áriptesimiz.
Osy 174 bap ne deidi jáne onyń jazasy qandai?
QR Qylmystyq Kodeksinyń 174 baby áleýmettik, ulttyq, rýlyq, násildik, tektik-toptyq nemese dini alaýyzdyqty qozdyrý boiynsha máselelerdi retteidi.
1-shi babynda “Áleýmettik, ulttyq, rýlyq, násildik, tektik-toptyq nemese dini alaýyzdyqty qozdyrýǵa, azamattardyń ulttyq ar-namysy men qadir-qasietin ne dini sezimderin qorlaýǵa baǵyttalǵan qasaqana áreketter, sol siiaqty azamattardyń dinge kózqarasy, tektik-toptyq, ulttyq, rýlyq nemese násildik qatystylyǵy belgileri boiynsha olardyń airyqshalyǵyn, artyqshylyǵyn ne tolyqqandy emestigin nasihattaý, eger bul is-áreketter jariia nemese buqaralyq aqparat quraldaryn nemese telekommýnikatsiialar jelilerin paidalana otyryp, sol siiaqty áleýmettik, ulttyq, rýlyq, násildik, tektik-toptyq nemese dini alaýyzdyqty nasihattaityn ádebietti nemese ózge de aqparat jetkizgishterdi daiyndaý nemese taratý jolymen jasalsa”, – dep kórsetilgen.
Al jazasy – eki myńnan jeti myńǵa deiingi ailyq eseptik kórsetkish mólsherindegi aiyppul ne eki jyldan jeti jylǵa deiingi merzimge bas bostandyǵyn shekteýge ne sol merzimge bas bostandyǵynan aiyrý.
Ramil Mýhoriapov qylmys jasady ma?
“Aldymen Prokýratýra onyń belgilerin anyqtaidy. Eger, iia, anyqtalsa, materialdar jinap, saraptama jasap, sotqa jiberedi. Sot taraptardyń dálelderin tyńdap, sheshim shyǵarady. Iaǵni, barlyq iske núkteni Sot qoiady. Eger prokýratýra qylmys belgilerin tappasa, ol naqty dálelmen resmi jaýap beredi.
Eger Mýhoriapovtyń qylmysy dáleldenip, sot sheshimi shyqsa, ol qandai jazaǵa tartylýy múmkin?
Mundaǵy eń minimaldy jaza – 2 myń ailyq eseptik kórsetkish. Qazir bir AEK – 3063 teńge.
Demek, ChocoFamily basshysynyń eń az jazasy – 6 126 000 teńge aiyppul bolýy múmkin.
Biraq tek múmkin dep turmyn. Sebebi máseleni quzyrly organdar men sot qana sheshedi”, – deidi Aibar Oljai.
