Búgin oblys ortalyǵy Taldyqorǵan qalasynda avtoklavty qataitatyn gazbetondy bloktar shyǵaratyn jańa zaýyt iske qosyldy. Bul kásiporyn kirpishtiń osy túrlerin óndiretin óńirdegi alǵashqy kásiporyn sanalady. Zaýyttyń jyldyq qýaty jylyna 150 myń tekshe metr. Munda 50 jańa jumys orny ashylǵan. Jańa zaýytqa 2,5 mlrd. teńge investitsiia tartyldy,- dep habarlaidy Dalanews.kz
– Jetisý oblysy qurylǵannan beri úsh jyl ishinde ónerkásiptik óndiristiń jyldyq kólemi 16,8% ósimmen 347 mlrd. teńgege jetti. Osy jyldar ishinde ónerkásipte jalpy somasy 85 mlrd. teńgege 35 joba iske asyryldy. Olardyń ishinde jel jáne sý elektr stantsiialary, ónerkásiptik akkýmýliatorlar men kún panelderin shyǵaratyn zaýyttar bar. Jalpy Jetisý - qurylys qarqyndy júrgizilip jatqan óńirlerdiń biri. Oblysta áleýmettik nysandar men turǵyn úiler jappai salynyp, injenerlik kommýnikatsiialar júrgizilýde. Jańa zaýyttyń iske qosylýy qurylys salasyn jergilikti materialdarmen qamtamasyz etip, óńirdiń qurylys indýstriiasyn damytýǵa jáne sheteldik ónimderge táýeldilikti azaitýǵa yqpal etetin bolady, - dedi jinalǵandardy kásiporynnyń ashylýymen quttyqtaǵan oblys ákiminiń orynbasary Áset Qanaǵatov.
«Stalbeton» JShS direktory Qalqabai Musanov zaýyt ujymyn quttyqtap, jańa óndiristi iske qosýǵa qatysqandardyń barlyǵyna alǵysyn bildirdi.
Iske qosý saltanatynan keiin resmi qonaqtar kásiporyndy aralap, jumysymen tanysty. Atap ótsek, kásiporyn «Taldyqorǵan» indýstriialyq aimaǵynyń aýmaǵynda ornalasqan.
Zaýyttyń óndiristik direktory Dáýren Nuráliniń aitýynsha, bul aimaqtaǵy osyndai alǵashqy zaýyt, óitkeni oblysta kirpishtiń bul túrlerin óndiretin kásiporyndar ázirge joq.
- Bizdiń zaýytta óndirilgen avtoklavty qataitylǵan gazdalǵan beton kirpishter tiisti normalar men standarttarǵa sáikes jasalady. Kirpishter Qytai tehnologiiasy boiynsha shyǵarylady, jergilikti mamandar zamanaýi jabdyqta jumys isteý úshin arnaiy oqýdan ótti. Kirpishtiń bul túriniń basty ereksheligi - olar qysta jylýdy óte jaqsy saqtaidy, al jazda bólmeni salqyn kúiinde ustap tura alady. Sondyqtan olar negizinen kóp qabatty úiler men jalpy turǵyn úiler salýda paidalanylady. Óndiriste jergilikti shikizat qoldanylady. Bizdiń ónimimiz eń aldymen Jetisý oblysynda jáne kórshi Almaty oblysynda saýdalanatyn bolady, - dedi D. Nuraly.
Kásiporynda qazir 50 turaqty jumys orny ashyldy. Munda túrli saladaǵy jergilikti mamandar jumysqa ornalastyryldy. Zaýyttyń tegin jataqhanasy bar, sondai-aq qyzmetkerler kúnine úsh ret ystyq tamaqpen qamtylady. Jumysqa ornalastyrylǵan mamandar arasynda Aqsý aýdanynan kelgen jas otbasy da bar.
- Zaýytqa birinshi bolyp ózim, sodan keiin jubaiym jumysqa turdy. Meniń mamandyǵym – tárbieshi, kúieýim – IT salasynyń mamany. Otasqanymyzǵa 8 jyl boldy, úsh balamyz bar. Zaýytta arnaiy daiyndyqtan óttim, qazir tabysty jumys istep kelemin. Biz otbasymyzben zaýyttyń jataqhanasynda tegin turamyz, jataqhanada turmysqa qajetti jaǵdailardyń bári bar. Jumys kestesi jas otbasymyz úshin qolaily, jalaqymyz turaqty, - dep oi bólisti Minar Dúisebek.
Jalpy Jetisý oblysynyń ónerkásiptik áleýetin 500-den astam kásiporyn tanytyp otyr, osy salada 30 myńǵa jýyq adam jumyspen qamtylǵan. Óńirdegi ónerkásiptiń basym bóligi tamaq ónimderin, qurylys materialdaryn óndirý, sondai-aq mashina jasaý baǵytynda jumys isteidi. Sonymen birge jeńil, himiia, metallýrgiia salalary damýda. Bul rette 2027 jylǵa deiin ónerkásip salasynda 1,7 trln. teńge somasyna taǵy 34 investitsiialyq jobany iske asyrý josparlanýda.
