Jetisý oblysynda kúieýi atpen súirep óltirdi dep aiyptalǵan 32 jastaǵy Aizat Jumanovaǵa qatysty qylmystyq is boiynsha sot otyrysynda jańa derekter belgili boldy, dep habarlaidy Dalanews.kz.
Marqumnyń kúieýi Janbolat Aibar ony óltirdi dep aiyptalyp otyr. Ol áielin aiaýsyz uryp-soǵyp, der kezinde jedel járdem shaqyrmaǵan. Tergeý nusqasyna sáikes, qylmysqa qyzǵanysh sebep bolǵan.
Buǵan deiin marqumnyń týystary Aizatty arqanmen bailap, dalada súiretken bolýy múmkin degen boljam aityp, sondai-aq onyń júkti bolǵanyn joqqa shyǵarmaǵan. Alaida búgin prokýrordyń málimdeýinshe, keshendi sot-meditsinalyq saraptama nátijesinde áiel denesinde atpen, kólikpen nemese adam kúshimen súiretýge tán izder tabylmaǵan.
Sonymen qatar, komissiia usynylǵan meditsinalyq qujattar men qaita jasalǵan gistologiialyq zertteý qorytyndylary boiynsha júktilik belgilerin anyqtamaǵan.
