Jasandy intellekt el ekonomikasyna 14–20 milliard dollar aralyǵynda qosymsha kiris ákelýi yqtimal. Bul týraly memleket basshysy Qasym-Jomart Toqaev málimdedi, dep habarlaidy Dalanews.kz.
Prezident óz sózinde memleket pen biznes arasyndaǵy jumys tásilderin qaita qaraý qajettigin atap ótti.
"Bul iste jappai tsifrlandyrý jáne jasandy intellekt tehnologiiasyn tiimdi qoldanǵan jón. Jasandy intellekt tehnologiialarynyń qarqyndy damýy álemdik ekonomikanyń túbegeili ózgerýine ákep soǵady", - dedi Toqaev
Memleket basshysy sarapshylardyń jahandyq boljamyna da toqtaldy.
"Sarapshylardyń baǵalaýynsha, jasandy intellekt 2030 jylǵa qarai álemdik ishki jalpy ónimge 17 trillion dollardan 26 trillion dollarǵa deiin paida ákelip, 78 million jumys ornyn asha alady. Al Qazaqstan jaǵdaiynda tsifrlandyrý men jasandy intellektini engizý ishki jalpy ónimge 14 milliard dollardan 20 milliard dollarǵa deiin kiris ákelýi múmkin. Osyndai boljam bar. Biraq shyn máninde qalai bolaryn ómir kórsetedi. Biz tyń múmkindikterdi barynsha paidalanýymyz kerek", - dedi ol.
