Jambyl oblysynda ógeı áke kámeletke tolmaǵan úsh balany qınaǵany úshin sottaldy, dep habarlaıdy Dalanews.kz.

Talas aýdandyq soty kámeletke tolmaǵan 3 balany qınady dep aıyptalǵan sottalýshy T.-ǵa qatysty qylmystyq isti qarady.

Sotta 2019 jyldan 2025 jylǵa deıin sottalýshy T. sharýa qojalyǵy aýmaǵynda kámeletke tolmaǵan ógeı balalaryna kúsh qoldanyp, olardy azaptaǵany anyqtalǵan.

"Sottalýshy balalardy qoǵamnan oqshaýlap, olardyń oqýy men damýyna kedergi keltirgen, eńbekke májbúrlep, tamaqtanýyn shektegen. Sottalýshy olardyń eńbeginen túsken kiristi óziniń jeke múddesine paıdalanǵan", - dep jazylǵan habarlamada.

Sot úkimimen T. QK-niń 110-baby 2-bóliginiń 1, 2) tarmaqtary boıynsha kináli dep tanylyp, oǵan 4 jyl merzimge bas bostandyǵynan aıyrý túrindegi jaza taǵaıyndaldy.

Úkim zańdy kúshine engen joq.