جامبىل وبلىسىندا ٶگەي ەكە كەمەلەتكە تولماعان ٷش بالانى قيناعانى ٷشٸن سوتتالدى, دەپ حابارلايدى Dalanews.kz.
تالاس اۋداندىق سوتى كەمەلەتكە تولماعان 3 بالانى قينادى دەپ ايىپتالعان سوتتالۋشى ت.-عا قاتىستى قىلمىستىق ٸستٸ قارادى.
سوتتا 2019 جىلدان 2025 جىلعا دەيٸن سوتتالۋشى ت. شارۋا قوجالىعى اۋماعىندا كەمەلەتكە تولماعان ٶگەي بالالارىنا كٷش قولدانىپ, ولاردى ازاپتاعانى انىقتالعان.
"سوتتالۋشى بالالاردى قوعامنان وقشاۋلاپ, ولاردىڭ وقۋى مەن دامۋىنا كەدەرگٸ كەلتٸرگەن, ەڭبەككە مەجبٷرلەپ, تاماقتانۋىن شەكتەگەن. سوتتالۋشى ولاردىڭ ەڭبەگٸنەن تٷسكەن كٸرٸستٸ ٶزٸنٸڭ جەكە مٷددەسٸنە پايدالانعان", - دەپ جازىلعان حابارلامادا.
سوت ٷكٸمٸمەن ت. قك-نٸڭ 110-بابى 2-بٶلٸگٸنٸڭ 1, 2) تارماقتارى بويىنشا كٸنەلٸ دەپ تانىلىپ, وعان 4 جىل مەرزٸمگە باس بوستاندىعىنان ايىرۋ تٷرٸندەگٸ جازا تاعايىندالدى.
ٷكٸم زاڭدى كٷشٸنە ەنگەن جوق.
