«Qazaqstan temir joly» engizip otyrǵan shekteýler saldarynan otandyq fermerler ózderiniń dástúrli eksporttyq naryqtarynan aiyrylyp, olardyń ornyn Resei men Ózbekstannyń básekelesteri basyp keledi, dep habarlaidy Dalanews.kz "DALA INSIDE"-qa silteme jasap.
KTJ «Saryaǵash» halyqaralyq ótkeli arqyly júk qabyldaýǵa konventsiialyq tyiym engizdi. Bul ótkel Qazaqstannyń Ortalyq Aziia elderine: Ózbekstan, Qyrǵyzstan, Tájikstan, Túrikmenstan jáne Aýǵanstanǵa baǵyttalǵan astyq eksportynyń negizgi arnasy. Alaida shekteý tranzittik tasymaldarǵa qoldanylmaidy. Sonyń nátijesinde sheteldik eksporttaýshylar qazaqstandyq ónim óndirýshiler bosatqan naryqtardy tez arada igerip jatyr.
Sala ókilderiniń aitýynsha, KTJ kezeń-kezeńimen engizetin mundai shekteýler un tartý kásiporyndaryn jarty qýatpen jumys isteýge májbúrleidi. Óndirýshiler turaqty jáne áleýetti tutynýshylarynan aiyrylyp, óndiris júktemesiniń tómendiginen shyǵynǵa batady. Oǵan qosa vagondardyń bos turýy úshin aiyppul tólemek. Bul rette memleket te eleýli salyq kiristerinen qaǵylyp otyr.
Nátijesinde, Qazaqstannyń astyq jáne un ónimderiniń básekege qabilettiligi tómendep, eksporttyq pozitsiialary álsirei túsýde.
QTJ VS agrofermerler: shekteýler Qazaqstan ekonomikasyn turalatpai ma?
pixabay.com
