Prezident Úkimettiń aldynda sapaly ekonomikalyq ósimdi qamtamasyz etý mindeti turǵanyn aitty, dep habarlaidy Dalanews.kz.
Memleket basshysy Qasym-Jomart Toqaev "Altyn sapa" jáne "Paryz" syilyǵynyń laýreattaryn, "Qazaqstannyń úzdik taýary" respýblikalyq kórme konkýrsynyń jeńimpazdaryn marapattaý rásiminde sóz sóiledi.
"Sońǵy jyldary básekelestiktegi artyqshylyqtarymyzdy tolyq ashýǵa, ekonomikalyq ósimniń tyń múmkindikterin tabýǵa, investitsiia tartýǵa jáne kásipkerlik bastamalardy yntalandyrýǵa baǵyt aldyq. Úkimettiń aldynda sapaly ekonomikalyq ósimdi qamtamasyz etý mindeti tur. Joldaýda infliatsiianyń sharyqtaýyna jol berýge bolmaitynyn aittym. Óitkeni infliatsiia azamattardyń ál-aýqatyn arttyrýǵa baǵyttalǵan barlyq sheshim men áreketti joqqa shyǵarady. Bul oraida óte qatań biýdjet tártibin ornatpasa bolmaidy. Qarjy tek ishki jalpy ónimniń ósýine, Qazaqstannyń álemdik arenada laiyqty ornyn alýyna yqpal etetin basym jobalar men baǵdarlamalarǵa ǵana jumsalýǵa tiis", - dedi Toqaev.
Prezidenttiń sózinshe, aýyl sharýashylyǵy ónimderimen, halyq kúndelikti tutynatyn taýarlarmen qamtamasyz etý máselesi tolyq sheshilmei keledi.
"Import óte kóp. Ol kózge anyq kórinip tur. Birqatar taýar nomenklatýrasy boiynsha syrttan keletin ónimge tym táýeldimiz. Qazaqstanda buǵan jol berýge bolmaidy. Onyń ústine biyl memleket tarapynan aýyl sharýashylyǵyna 1 trillion teńge qoldaý jasaldy. Bul – rekordtyq kórsetkish. Al elimiz shyǵaratyn ónim kólemi 2024 jyldyń qorytyndysy boiynsha 8,5 trillion teńgege baǵalandy", - dedi Toqaev.
