Grýziianyń tergeý organdary "Batými munai terminaly" JShS basqarmasyndaǵy úsh qazaqstandyq azamatty ustady, dep habarlaidy Dalanews.kz.
Olarǵa kedendik baqylaýdan jaltarý arqyly 10 myń tonnadan astam shiki munaidy satý shemasyn uiymdastyrdy degen aiyp taǵylǵan. Sondai-aq jetispeýshilikti jasyrý maqsatynda rezervýarlarǵa lastanǵan qaldyqtar quiylǵan bolýy múmkin degen boljam bar.
Qylmystyq is kontrabanda jáne keden erejelerin buzý baptary boiynsha qozǵalǵan, aiyptalǵandar 11–15 jylǵa deiin bas bostandyǵynan aiyrý jazasyna tartylýy múmkin.
Kompaniia óz málimdemesinde barlyq qyzmetkerdiń jumysty jalǵastyratynyn, terminal Grýziia zańnamasy aiasynda jumys isteitinin jáne qyzmetkerlerdiń quqyqtary men zańdy múddeleri saqtalatynyn atap ótti. Tergeý talaptaryna bailanysty JShS qosymsha túsinikteme bermeidi.
"Batými munai terminaly" JShS 2017 jyldan beri "QazTransOil" AQ menshiginde bolyp, Grýziiadaǵy óndiristik aktivter men teńiz portyn basqarady.
